ປັດໄຈທີ່ສົ່ງຜົນຕໍ່ບັນຫາໃນການຮຽນ-ການສອນ ວິຊາວິເຄາະຄະນິດກ່ຽວກັບບົດຮຽນລະບົບສົມຜົນ ແລະ ລະບົບອະສົມຜົນຂອງນັກຮຽນຊັ້ນມັດທະຍົມສົມບູນ ເມືອງໄຊຍະບູລີ ແຂວງໄຊຍະບູລີ

ການ​ຄົ້ນ​ຄ້ວາ​ຄັ້ງ​ນີ້​ ມີ​ຈຸດປະສົງ​ເພື່ອສຶກສາປັດໄຈທີ່ເປັນບັນຫາຕໍ່ການຮຽນ-ການສອນວິຊາ ວິເຄາະຄະນິດຊັ້ນ ມ.5 ພາກລະບົບສົມຜົນ ແລະ ລະບົບອະສົມຜົນ ທີ່ໂຮງຮຽນມັດທະຍົມສົມບູນ ໄຊຍະບູລີ, ສົກຮຽນ 2023-2024, ການສຶກສາແມ່ນໄດ້ ສຶກສາກ່ຽວກັບ ບັນຫາ ແລະ ສ້າງແບບສອບຖາມ, ສຳລັບນັກຮຽນຊັ້ນ ມ.5 ເປັນກຸ່ມຕົວຢ່າງຈໍານວນ 60 ຄົນ, ຍິງ 27 ຄົນ. ຈາກຈຳນວນປະຊາກອນທັງໝົດ 200 ຄົນ, ຍິງ 91 ຄົນ. ດ້ວຍວິທີການສູ່ມເອົາກູ່ມຕົວຢ່າງໃນເກນ 30% (ບຸນຊົມ ສີສະອາດ, ພສ 2535 ໜ້າທີ 38). ການວິເຄາະຂໍ້ມູນໄດ້ນຳໃຊ້ Microsoft Excel ແລະ ສະຖິຕິ ເຊັ່ນ: ຄິດໄລ່ເປີເຊັນ(Percentage), ຄິດໄລ່ຄ່າສະເລ່ຍ (Arithmetic Mean) ແລະ ຄ່າຜັນປ່ຽນມາດຖານ  (Standard Deviation)         ຜົນການສຶກສາພົບວ່າ: ສະພາບທົ່ວໄປຂອງການຮຽນ- ການສອນວິຊາວິເຄາະຄະນິດ ຊັ້ນ ມ.5 ພາກລະບົບ ລະບົບອະສົມຜົນ ພົບວ່າ: ການຈັດການຮຽນເປັນກຸ່ມ ເປັນປັດໄຈທີ່ມີ ແລະ ສົມຜົນ ບັນຫາຫຼາຍກ່ວາໝູ່ ຄື: ມີຄ່າສະເລ່ຍ = 2.26 ແລະ ຄ່າຜັນປ່ຽນມາດຖານ  = 1.16, ສະພາບບັນຫາຂອງນັກຮຽນ ຕໍ່ເນື້ອໃນບົດຮຽນ ລະບົບສົມຜົນ ແລະ ລະບົບອະສົມຜົນ ພົບວ່າ: ການນຳໃຊ້ລະບົບອະສົມຜົນເຂົ້າໃນການແກ້ໂຈດບັນຫາ ເປັນປັດໄຈທີ່ມີ ບັນຫາຫຼາຍກວ່າໝູ່ ຄື: ມີຄ່າສະເລ່ຍ = 2.50 ແລະ ຄ່າຜັນປ່ຽນມາດຖານ  = 0.94, ຮອງລົງ ມາແມ່ນ ການນຳໃຊ້ລະບົບສົມຜົນເຂົ້າໃນການແກ້ໂຈດບັນຫາຄື: ມີຄ່າສະເລ່ຍ = 2.68 ແລະ ຄ່າຜັນປ່ຽນມາດຖານ  = 1.01 ວິທີແກ້ລະບົບສົມຜົນຕາມວິທີຂອງ Gauss ຈັດຢູ່ໃນລະດັບມີບັນຫາ ປານກາງຄື: ມີຄ່າສະເລ່ຍ = 2.72 ແລະ ຄ່າຜັນປ່ຽນມາດຖານ  = 0.91 , ລະບົບສົມຜົນ ຂັ້ນໜຶ່ງທີ່ມີສາມຕົວລັບມີບັນຫາຢູ່ໃນລະດັບປານກາງຄື: ມີຄ່າສະເລ່ຍ = 2.76 ແລະ ຄ່າຜັນ ປ່ຽນມາດຖານ  = 0.90