Analizë mbi vështrimin e psikologjisë pozitive dhe dimensionet e mirëqënies sipas Martin Seligman

Shumë studiues dhe kërkues të sotëm në shkencën e Psikologjisë, veçanërisht në ato disiplina të cilat janë të lidhura drejtpërsëdrejti me shëndetin mendor dhe shërimin kanë kuptuar se ka pasur një vëmendje të pamjaftueshme drejt aspekteve pozitive, kapaciteteve dhe fuqisë njerëzore të njerëzve pavarësisht nëse janë apo nuk janë të prekur nga shqetësime psikologjike. Vëmendja e shtuar kryesisht tek çrregullimet dhe patologjitë si dhe tek kufizimet që rrjedhin nga prania e tyre kanë prodhuar një këndvështrim aspak pozitiv, të njëanshëm dhe jo të ekuilibruar apo gjithëpërfshirës mbi atë se çfarë është në të vërtetë potenciali human. Ky theksim i padrejtë bëri që Martin Seligman në 1998 të zgjidhte si temë qendrore të fjalimit të tij si President i APA Psikologjinë Pozitive për të theksuar vëmendjen e ulët të ndaj asaj që është e shëndetshme dhe pozitive dhe se njohuritë mbi atë çka është e shëndetshme dhe e fuqishme janë shumë herë më të pakta për shkak të mungesës së studime në raport me njohuritë rreth patologjisë. Artikulli ka për qëllim të sjellë disa prej argumenteve që ai ngriti me një analizë të shkurtuar të autorit se përse kjo qasje është me vlerë sot për tu marrë në konsideratë në vlerësimin e mirëqenies nga psikologë dhe profesionistë të fushës.