Migrimi dhe varfëria në vendet e evropës qëndrore dhe lindore: Një zbatim i modelit të gravitetit (2007-2016)

Vendimi për të migruar është një funksion i disa variablave, të cilat ndihmojnë ose pengojnë migrimin dhe mund të shënohen me shenja pozitive ose negative. Faktorët negativë përfshijnë problemet sociale dhe ekonomike në vendet e origjinës, siç janë varfëria, shkelja e të drejtave, konfliktet politike dhe të armatosura etj. Nga ana tjetër, faktorët pozitivë lidhen me kushtet e vendeve pritëse si të ardhurat e larta, gjuha e përbashkët, niveli i sigurisë së lartë etj. Ky dokument përqendrohet në fenomenin e emigrimit në disa vende të Europës Qendrore dhe Lindore dhe mbi faktorët përcaktues përkatës. Ne vlerësojmë një model origjinal të gravitetit duke përfshirë disa variabla të pavarur që lidhen me çështjet tipike për vendet në zhvillim, siç janë varfëria, papunësia dhe korrupsioni. Sipas testeve diagnostifikuese, ekuacioni i vlerësuar përshtatet mirë me mostrën tonë. Autoritetet e vendeve të EQL duhet të orientojnë politikat e tyre drejt krijimit të vendeve të reja të punës dhe zbutjes së pabarazisë. Kjo do të çojë në një rritje të qëndrueshme ekonomike dhe në zvogëlimin e daljeve të ardhshme të migracionit.