کاریگەری ستراتیژی ئۆراڵی لەسەر ده‌ستكه‌وتى قوتابییانی پۆلی ده‌یه‌می وێژه‌یی لە بابەتی مێژوو

کاریگەری ستراتیژی ئۆراڵی لەسەر ده‌ستكه‌وتى  قوتابییانی پۆلی ده‌یه‌می وێژه‌یی لە بابەتی مێژوو ئامانجی ئەم توێژینەوەیە بریتیە لە ناسینی " کاریگەری ستراتیژی ئۆراڵی لەسەر ده‌ستكه‌وتى قوتابییانی پۆلی ده‌یه‌می وێژه‌یی لە بابەتی مێژوو"، بۆ پشتڕاستکردنەوەی ئامانجی توێژینەوەکە، توێژه‌ران رێبازی ئه‌زموونیان به‌كارهێنا و گریمانەی سفری دانرا کە هیچ جیاوازییەکی ئاماری بەرچاو لە ئاستی دەلالەت (٠.٠٥) لە نێوان تێکڕای نمرەکانی قوتابییانی گرووپی ئه‌زموونی کە بە پێی ستراتیژی ئۆراڵی (Oraly) وانەیان بۆ وتراوەتەوە و تێکڕای نمرەکانی گرووپی كۆنتڕۆڵ کە بە شێوازی نەریتی وانەیان بۆ وتراوەتەوە نییە. ئەم توێژینەوەیە سنووردار کرا بۆ قوتابییانی پۆلی ده‌یه‌می وێژه‌یی لە پارێزگای هەولێر له‌ ئاماده‌یی (ڕاستیاری كوڕان) کە ژمارەیان (٤٠) قوتابی بوو، دابەشکرابوون بەیەکسانی بەسەر هەردوو گرووپی ئه‌زموونی و كۆنتڕۆڵكراو، (٤٠) ئامانجی ڕەفتاری به‌ پشت به‌ستن به‌ پۆلێنی بلۆمی مه‌عریفی (به‌بیرهاتنه‌وه‌، تێگەیشتن، جێبه‌جێكردن ، شیکردنەوە) لە کتێبی مێژوو بەتایبەتی لە بەشەکانی (پێنجەم، شەشەم، حەوتەم) داڕێژران، هەروەها توێژەران (٤٨) پلانی وانەوتنه‌وه‌ و تاقیکردنەوەیەکی ده‌ستكه‌وتیان ئامادەکرد کە لە (٤٠) بڕگەی فرە هەڵبژاردە پێکهاتبوو، تایبەتمەندییە سایکۆمەترییەکانی تاقیکردنەوەکە دەرهێنران و پاشان لەسەر نموونەی توێژینەوەکە جێبەجێ کرا، بە بەکارهێنانی تاقیکردنەوەی t-test بۆ دوو نموونەی سەربەخۆ، ئەنجامەکان دەریانخست کە جیاوازی ئاماری بەرچاو لە ئاستی دەلالەت (٠.٠٥) هەیە بۆ بەرژەوەندی گرووپی ئه‌زموونی کە بە پێی ستراتیژی ئۆراڵی (Oraly) وانەیان بۆ وتراوەتەوە، ئەمەش نیشانیدا کە ستراتیژی ئۆراڵی کاریگەریی زۆری هەیە لە بەرزکردنەوەی ئاستی ده‌ستكه‌وتی قوتابییانی پۆلی دەیەمی وێژه‌یی لە بابەتی مێژوو، هەروەها کۆمەڵێک ڕاسپاردە و پێشنیاز دانراون بۆ سوودوەرگرتن لێیان لە داهاتوودا.