كاریگەری مۆدێلی (Bransford_stein (IDEAL) لەسەر تێگەیشتی قوتابیانی پۆلی هەشتەمى بنەرەتی بۆ چەمكە زیندەزانیەكان

ئامانجی ئەم توێژینەوەیە دیاریکردنی كاریگەری مۆدێلی برانسفۆرد-شتاین لە تێگەیشتنی چەمکە زیندەزانیەكانە لەلای قوتابیانی پۆلی هەشتەمی بنەرەتی. توێژینەوەکە نەخشەسازی ئەزموونکاری بەکارهێناوە، کە نمونەی توێژینەوەکە پێکهاتووە لە( 88) قوتابی کە  دابەشکراون بەسەر کۆمەلەی ئەزموونی (44 قوتابی) کە مۆدێلی برانسفۆرد_شتاین(ئایدیال)یان بەسەر جێبەجێ كراوە وە  کۆمەڵەی کۆنترۆڵكراو (44 قوتابی) كە بەشێوەی ئاسایی (تقلیدی) وانەیان پێ وتراوە لە قوتابخانەی )ناوەندی پەری كچان( كە بەشێوەیەکی مەبەستدار هەڵبژێردراوە بۆ پێوانەکردنی بەدەستهێنانی قوتابیان،لە توێژینەوەکەدا تاقیکردنەوەی بەدەستهێنانی چەمکی زیندەزانی بەکارهێنراوە کە (39) بڕگەی لەخۆگرتبوو،  هەڵسەنگاندنی چەمکەکان دابەشکرابوون بۆ ئاستەکانی (پێناسەکردن، جیاکردنەوە و گشتاندن). راستگۆیی (%85.7) و جێگیری تاقیکردنەوە (0.798) لە ڕێگەی پێداچوونەوەی پسپۆڕان و شیکاری ئامارییەوە پشتڕاستکرایەوە. پاش تەواوبوونی تاقیکردنەوەکە و جێبەجێکردنی ئامرازەکە و شیکردنەوەی داتاکان بە بەکارهێنانی ئامرازە  ئاماریەکان  لە ئەدای کۆمەڵەی ئەزموونکاریدا بەراورد بە کۆمەڵەی کۆنترۆڵکراو  لەبەرژەوەندی کۆمەڵەی ئەزموونی دابوو ، لەگەڵ هەبوونی  قەبارەی کاریگەری گەورە (Cohen’s d = 1.386)، ئەمەش ئاماژەیە بۆ کاریگەری بەهێزی مۆدێلی برانسفۆرد-شتاین (ئایدیال). لە دەرئەنجامەکاندا پێشنیاری ئەوە دەکرێ  کە مۆدێلی برانسفۆرد-شتاین (ئایدیال) ئاستی تێگەیشتنی چەمکە زیندەزانیەكان بەرز دەکاتەوە و بەشداریکردنی قوتابیان و وەرگرتنی زانیاری لە فێربوونی بابەتی زیندەزانی ئاسان دەکات .