كاریگه‌ری ستراتیژیه‌تی جیكسو له‌سه‌ر ده‌ستكه‌وتی خوێندنی قوتابیانی كوڕ له‌ پۆلی ده‌یه‌می وێژه‌یی له‌ بابه‌تی مێژوو

ئامانجی ئەم توێژینەوەیە ناسینی (كاریگه‌ری ستراتیژیه‌تی جیكسو له‌سه‌ر ده‌ستكه‌وتی خوێندنی قوتابیانی كوڕ له‌ پۆلی ده‌یه‌می وێژه‌یی له‌ بابه‌تی مێژوو) .بۆ بەدیهێنانی ئامانجی توێژینەوەکە، توێژەران ڕێبازی ئه‌زموونیان به‌كارهێنا وگریمانەی سفری دانرا کە هیچ جیاوازییەکی ئاماری بەرچاو نییه‌ لە ئاستی (0.05) لە نێوان تێکڕای نمرەکانی قوتابیانی گرووپی ئه‌زموونی کە بە پێی ستراتیژی جیكسو وانەیان پێ گوتراوه‌ و تێکڕای نمرەکانی گرووپی كۆنتڕۆڵ کە بە شێوازی نەریتی وانەیان پێ گوتراوه.  ئەم توێژینەوەیە سنووردار کرا بۆ قوتابیانی پۆلی ده‌یه‌می وێژه‌یی لە ناوه‌ندی پارێزگای هەولێر له‌ ئاماده‌یی (ئازادی كوڕان) کە ژمارەیان (48) قوتابی بوو، دابەشکرابوون بەسەردوو گرووپی ئه‌زموونی و كۆنتڕۆڵكراو، (40) ئامانجی ڕەفتاری به‌ پشت به‌ستن به‌ پۆلێنی بلۆمی مه‌عریفی (به‌بیرهاتنه‌وه‌، تێگەیشتن، جێبه‌جێكردن ، شیکردنەوە) لە کتێبی مێژوو بەتایبەتی لە بەشەکانی (پێنجەم، شەشەم، حەوتەم) داڕێژران، هەروەها توێژەران (48) پلانی وانەوتنه‌وه‌ و تاقیکردنەوەیەکی ده‌ستكه‌وتیان ئامادەکرد کە لە (40) بڕگەی فرە هەڵبژاردە پێکهاتبوو، تایبەتمەندیی سایکۆمەترییەکانی تاقیکردنەوەکە دەرهێنران و پاشان لەسەر نموونەی توێژینەوەکە جێبەجێ کرا، بە بەکارهێنانی تاقیکردنەوەی t-test بۆ دوو نموونەی سەربەخۆ، ئەنجامەکان دەریانخست کە جیاوازی ئاماری بەرچاوهه‌یه‌  لە ئاستی (0.05) بۆ بەرژەوەندی گرووپی ئه‌زموونی کە بە پێی ستراتیژی جیكسو وانەیان پێ گوتراوه‌، ئەمەش نیشانیدا کە ستراتیژی جیكسو کاریگەریی زۆری هەیە لە بەرزکردنەوەی ئاستی ده‌ستكه‌وتی قوتابییانی پۆلی دەیەمی وێژه‌یی لە بابەتی مێژوو، هەروەها کۆمەڵێک ڕاسپاردە و پێشنیاز دانراون بۆ سوودوەرگرتن لێیان لە داهاتوودا.