كاریگه‌ری ریكلام له‌سه‌ر ره‌فتاری به‌كاربه‌ران له‌ ئیداره‌ی سه‌ربه‌خۆی سۆران له‌ ساڵی2024 (تویژینه‌وه‌یه‌كی مه‌یدانیه‌)

بازاڕی هه‌رێمی كوردستان كاڵا وخزمه‌تگوزاری زۆر وجۆراوجۆر وهاوشێوه‌ی هه‌یه‌ ودام وده‌زگا و تۆڕه‌ كۆمه‌ڵایه‌تیه‌كان له‌پێشكه‌وتن دان وساڵ له‌ دوای ساڵ بینه‌ر وبه‌كارهێنه‌ریان له‌ زیادبوونه،‌ بۆیه‌ به‌شێك له‌ خاوه‌ن به‌رهه‌مه‌كان له‌ ئێستادا پشت به‌ ڕیكلام ده‌به‌ستن بۆیه‌ له‌م توێژینه‌وه‌ مه‌یدانیه‌ هه‌ڵده‌ستین به‌ شیكردنه‌وه‌ی كاریگه‌ری ڕیكلام له‌سه‌ر ڕه‌فتاری به‌كاربه‌ران. وکێشەی توێژینەوەكه‌ ئه‌وه‌یه‌ تا چ ڕادەیەک به‌كاربه‌ران بۆ به‌ده‌ست هێنانی كاڵا وخزمه‌تگوزاریه‌كان پشت به‌ ڕیكلام ده‌به‌ست؟ وئامانجی ئەم توێژینەوەیە دەرخستنی رۆڵی ڕیكلامه‌ له‌سه‌ر ڕه‌فتاری به‌كاربه‌ران. توێژینەوەکە شیكاریه‌ وپشت بە فۆرمی پرسیار نامه‌ دەبەستێت بۆ بەدەستهێنانی داتاکان بە وەرگرتنی نموونه‌یه‌ك كه‌ پێكهاتووه‌ له‌ (350) به‌كاربه‌ر له‌ ئیداره‌ی سه‌ربه‌خۆی سۆران له‌ ساڵی 2024. وتوێژینەوەکە بە چەند دەرەنجامێک گەیشتووە کە گرنگترینیان؛ ئه‌وه‌یه‌ زۆربەی هەرە زۆری به‌كاربه‌ران لەگەڵ ئەوەدان تا ڕادەیەکی زۆر ڕیكلام كاریگه‌ری هه‌یه‌ له‌سه‌ر به‌كاربردنی كاڵا وخزمه‌تگوزاری. وزۆربەی به‌كاربه‌ران له‌گه‌ڵ ئه‌وه‌دان ئینستاگرام گه‌وره‌ترین كاریگه‌ری هه‌یه‌ بۆ ڕیکلام وپاشان تەلەفزیۆن بە پلەی دووەم دێت ودوایی ئه‌وان فەیس بووك بە پلەی سێیەم دێت.