كاریگه‌ری زیادبوونی نیشینگه‌ی مرۆیی له‌سه‌ر كەمبوونی زه‌وی كشتوكاڵی قه‌زای شاره‌زوور وه‌ك نموونه‌

  نیشينگەى مرۆيى مەبەست لەو كۆمەڵە بيناو خانووانەن كە دانيشتوانيان تێدا نيشتەجێيە لەهەر ناوچەيەك، ئەم نیشينگانەيش بەگوێرەى قەبارەيان جياوازن، كە دەكرێت گوندێكى بچووك يان گوندێكى گەورە بن تا دەگاتە شارێكى بچووك ياخود شارێكى زۆر گەورە (زەبەلاح), کاریگەری نیشینگەکان له‌سه‌ر زه‌وی كشتوكاڵی  بە یەکێک لە کێشە و گرفتەکان دادەنرێت، چونکە کاریگەری ڕاستەوخۆی لەسەر زه‌وی كشتووكاڵی دەبێت، هەروەها گرفتی سەرەکی توێژینەوە ئەوەیە کە زیادبوونی نشینگەیی مرۆیی  هۆکاری سەرەکییە بۆ كه‌م بوونه‌وه‌ی زه‌وی كشتوكاڵی لە ناوچەی لێکۆڵینەوەکە، لەگەڵ ئەوەشدا ئامانجی ئەم توێژینەوەیە دەرخستنی شێوازەکانی فراوانبوونی ئەم قەزایەیە, وە دیاریکردن و ناساندنی ناوچەی لێکۆڵینەوەیەکە بۆ زانینی دەستنیشان کردنی فراوانبوونی قەزای شارەزوورە وە کاریگەری لەسەر زه‌وی كشتوكاڵی لەماوەی نێوان ٢٠٠٠-٢٠٢٣،  بۆ چەندین نەخشە و خشتە سوودمان لە پرۆگرامی سیستەمی زانیاری جوگرافیا و هەستکردن لەدوورەوە وەرگرتووە بۆ ئامادەکردنی نەخشەکان، پلانی لێکۆڵینەوەکە بریتییە لە پێشەکی و ناساندنی ناوچەی لیکۆڵینەوە و زیادبوونی سروشتی  دانیشتوان  له‌ ناوچه‌ی لێكۆڵینه‌وه‌ شێوازەکانی فراوانبوونی نیشینگه‌ی شار  ، له‌ کۆتایدا گەیشتووین بەو ئەنجامەی کە ڕووبەری ناوچەی نیشتەجێبوون لەقەزاکە (لە ناوچەی لێکۆڵینەوەکە )لە ئەنجامدا دەرکەوتووە ڕووبەری ناوچەی نیشتەجێبوون ڕووبەرەکەی (٣٠٨ هێکتار) بوو، بەرێژەی ٪ ٠.٩ بۆ ساڵی ٢٠٠٠، بەڵام ڕووبەری ناوچەی نیشتەجێبوون زیادی کردووە و گەیشتووەتە (١٠٣٦.٧ هێکتار) کە دەکاتە (٣.٠ ٪)ی کۆی ڕووبەرەکە. بۆ لایەنە پەیوەندیدارەکان پێویستە ڕێگری لەفراوانبوونی ئاسۆیی بگیرێت، فراوانبوونی ستوونی شوێنی بگرێتەوە. چونکە فراوانبوونی نیشینگه‌ی شار بەشێوەی ئاسۆیی لەسەر حسابی زەوی کشتوکاڵی فراوان دەبێت و ئەمەش کاریگەری خراپی دەبیت.