هه‌‌ڵسه‌نگاندن و شیكردنه‌وه‌ی توانسته‌ جوگرافیه‌كان بۆ په‌ره‌پێدانی كشتوكاڵی له‌ قه‌زای چۆمان له‌ رێگای مودێڵی AHP

پوخته      گرینگی كه‌رتی كشتوكاڵ و په‌ره‌پێدانی كشتوكاڵی ڕه‌نگدانه‌وه‌ی به‌رچاوی هه‌یه‌ له‌سه‌ر بژێوی ژیانی دانیشتوان و داهاتی ئابووری و نه‌ته‌وه‌یی، و په‌یوه‌ندیه‌كی به‌هێزی هه‌یه‌ به‌ گه‌شه‌ی ئابووری زیادكردنی داهات و ئالوگۆری بارزگانی. ناوچه‌ی توێژینه‌وه‌ خاوه‌ن توانسته‌ گرینگیه‌كانی  جوگرافیه‌ كه‌ له‌باره‌ بۆ پرۆسه‌ی كشتوكاڵكردن و په‌ره‌پێدان ، له‌و توێژینه‌وه‌دا جه‌ختكراوه‌ته‌ سه‌ر توانسته‌ سروشتی و مرۆییه‌كان و خاڵه‌ نه‌رێنی و ئه‌رێنیه‌كان  له‌هه‌مانكاتدا كه‌موكورتیه‌كان ده‌ستنیشان كراوه‌ بۆ خزمه‌تكردنی بواری په‌ره‌پێدانی كشتوكاڵی له‌ناوچه‌كه‌، كه‌ئه‌مه‌ش له‌چوار ته‌وه‌ری سه‌ره‌كی خراونه‌ته‌ڕوو كه‌ ته‌وه‌ری یه‌كه‌م تایبه‌ت كراوه‌ به‌ چه‌مكو زاراوه‌كانی تایبه‌ت به‌ بابه‌تی توێژینه‌وه‌ و ناساندنی پێگه‌ی جوگرافی قه‌زاكه‌. هه‌رچی ته‌وه‌ری دووه‌م ته‌رخانكراوه‌ به‌ شیكردنه‌وه‌ی جوگرافی توانسته‌ سروشتیه‌كانی په‌ره‌پێدانی كشتوكاڵی كه‌ گرینگرتین توانسته‌كان ده‌ستنیشانكراون بۆ پرۆسه‌ی كشتوكاڵكردن به‌تایبه‌ت به‌رهه‌مهێنانی ڕووه‌كی، هه‌رچی ته‌وه‌ری سێیه‌مه‌ كه‌ تایبه‌ت كراوه‌ به‌ توانسته‌ مرۆیه‌كان كه‌ له‌چه‌ند خالێكی گرینگ تیشكی خراوه‌ته‌ سه‌ر و كۆتا ته‌وه‌ریش پێكهاتووه‌ له‌ نیشانده‌ره‌كانی په‌ره‌پێدانی كشتوكاڵی له‌ قه‌زای چۆمان له‌دوو پێوه‌ری سه‌ره‌كی ئاماژه‌ی بۆكراوه‌ له‌ڕێگای پێوانه‌كردنی ڕووبه‌ری چێنراو به‌راورد به‌ڕووبه‌ری گشتی زه‌وی شیاوی كشتوكاڵی، و پێوه‌ری دووه‌م بریتیه‌ له‌ -به‌راوردكردنی ئاستی كه‌مكردن و زیادبوونی رووبه‌ری چێنراوی به‌ربوومه‌ كشتوكاڵیه‌كان،  و له‌رێگای مۆدێلی AHP  و به‌كارهێنانی هه‌ڵبژاردنی باشترین شوێن بۆ كشتوكاڵكردن  له‌ ده‌رئه‌نجامدا  ناوچه‌كه‌ دابه‌شكراوه‌ بۆپێنج ئاستی سه‌ره‌كی. له‌كۆتاییدا توێژینه‌وه‌ به‌چه‌ند ڕاسپاردو ده‌رئه‌نجامێك گه‌یشتووه‌ له گرینكترینیان ئه‌وه‌یه‌ كه‌ توانسته‌ مرۆییه‌كان له‌ ئاست گه‌شه‌ی كشتوكاڵ و  هه‌نگاوه‌كانی په‌ره‌پێداندا لاوازه‌ و كه‌موكورتی زۆری تیایدا به‌دی ده‌كرێت كه‌ پێویستی به‌ چاره‌سه‌ركردنی زانستی و پلان و په‌ره‌پێدان هه‌یه‌ بۆ به‌رزكردنه‌وه‌ی تواناكانی ئه‌م توانسته  گرینگه‌ بۆ پرۆسه‌ی كشتوكاڵكردن‌‌و په‌ره‌پێدانه‌كه‌ی