Shteti i së drejtës dhe standardet etike të prokurorëve ndërkombëtare

Kuadri normativ dhe jurisprudencial i udhëzimeve etike për prokurorët ndërkombëtarë thekson rolin e tyre qëndror në procedimet penale, që synojnë mbrojtjen e shoqërisë nga kultura e mosndëshkimit dhe funksionimin “si portierë drejt gjyqësorit”. Duke qenë se ata kanë autoritetin dhe përgjegjësinë për të vendosur për çështje thelbësore për administrimin e drejtësisë penale, pra ndjekjen penale të krimeve më të rënda që trondisin ndërgjegjen e njerëzimit, detyra e prokurorëve ndërkombëtarë mbart një përgjegjësi të madhe, duke u kërkuar atyre të kërkojnë drejtësi dhe respektojnë disa detyrime deontologjike. Në këtë këndvështrim, funksioni gjyqësor i monitorimit të diskrecionit të prokurorisë për të hetuar dhe ndjekur penalisht siguron që roli qëndror i prokurorëve ndërkombëtarë në drejtësinë penale të zbatohet në përputhje me standardet më të larta etike dhe në interesin më të mirë të drejtësisë.