وتاری ڕۆژنامەوانی دیجیتاڵ میدیای کوردی لە پاراستنی ئاسایشی نیشتمانی هەرێمی کوردستان

  لە سەدەی 21ـدا، میدیای دیجیتاڵی بە شێوەیەکی گرنگ و بەرچاو ڕۆڵی خۆی بینیوە لە پەخشکردن و بڵاوكردنەوەی زانیاری بۆ جەماوەر، لە هەرێمی كوردستان، ڕۆژنامەوانی دیجیتاڵی كوردی بەپێی گەشەی تەکنەلۆژیا، بە یەکێک لە سەرچاوەی سەرەکیی زانیاری بۆ هاووڵاتیان دادەنرێت، ئەم توێژینەوەیە بەو مەبەستە دەکرێت کە( ڕۆڵی وتاری ڕۆژنامەوانی دیجیتاڵی کوردی لە پاراستنی ئاسایشی نیشتمانیی هەرێمی كوردستان) نیشان بدات. کۆمەڵگەی ئەم توێژینەوەیە پێکدێت لە سەرجەم  ئەو وتارە ڕۆژنامەوانییانەی دیجیتاڵ میدیایی کوردی کە باس لە پرسە ئەمنی وسەربازیی و سیاسی و ئابووری و کۆمەڵایەتییەکان دەکەن و بڵاو دەکرێنەوە و  کاریگەرییان لەسەر پاراستنی ئاسایشی نیشتمانی هەیە، بۆ نموونەی توێژینەوەکە چوار پێگەی ئەلیکترۆنی دەستنیشان کران بۆ ئەوەی ببن بە نموونەی توێژینەوە و نوێنەرایەتی دیجیتاڵ میدیای کوردی دەکەن، ئەوانیش ماڵپەڕی ڕووداو لە هەولێر، پێگەی ئەلیکترۆنی ئێن ئاڕ تی لە سلێمانی، پێگەی ئەلیکترۆنی pukmedia لە سلێمانی، پێگەی ئەلیکترۆنی کوردیو لە هەولێر، توێژینەوەکە گەیشتووەتە ئەو ئەنجامەی، دیارترین ڕەهەندەکانی وتاری ڕۆژنامەوانی دیجیتاڵ میدیای کوردی کە بڵاوی کردوونەتە کامانەن و تا چ ئاستێک بوونەتە هەڕەشە ، یاخود هۆکار بۆ پاراستنی ئاسایشی نیشتمانی کوردستان.