تۆڕە کۆمەڵایەتیەکان و کاریگەریەکانی لەسەر گەشەپێدانی کەرتی کشتوکاڵی لە هەرێمی کوردستاندا

ئامانجی ئەم توێژینەوەیە زانینی کاریگەرى تۆڕە کۆمەڵایەتیەکانە لە گەشەپێدانى کەرتى کشتوکاڵى لە هەرێمی کوردستاندا، کێشەی توێژینەوەکە لەپرسیارێکی سەرەکیدا رەنگدەداتەوە: (تاچەند تۆڕە کۆمەڵاییەتیەکان کاریگەری هەیە لەگەشەپێدانی کەرتی کشتوکاڵی لە هەرێمی كوردستاندا؟)، توێژینەوەکە لەجۆری توێژینەوە وەسفیەكانە، پشتی بەستوە بەڕێبازی ڕوپێوی بۆ مشتەیەک لەمامۆستایانى کشتوکاڵ و ڕاگەیاندن لەچوار زانکۆ گەورەکەى کوردستاندا (هەولێر، سلێمانى، دهۆک، هەڵەبجە)، ژمارەیان (263) مامۆستا بوە بەشێوازی گەمارۆدانى گشتگیر، لەڕێگەى ئامرازی فۆڕمی ڕاپرسی ئەلکترۆنی. توێژینەوەکە گەیشتوە بەچەند دەرەنجامێک: مشتەی توێژینەوەكە بەپلەی جۆراوجۆر پشت بە تۆڕە كۆمەیەڵاتیەكان دەبەستن، لەناو تۆڕەکانیش فەیسبوک زیاتر پشتی پێ دەبەستریت و زۆرترین کاریگەری هەیە لە گەشەپێدانى کەرتى کشتوکاڵ، بەڵام بەرادەیەکی کەم تۆڕە کۆمەڵایەتییەکان بەمەبەستی کشتوکاڵی بەکاردەهێنن، زۆرینە پێیانوایە تۆڕە کۆمەڵایەتیەکان دەرفەتی باشتر بۆ بازاڕگەری بەرهەمە کشتوکاڵیەکان دەڕەخسێنن، بۆ بەڕەنگدانەوەی تۆڕە کۆمەڵایەتیەکان لەسەر کەرتی کشتوکاڵی مشتەی توێژینەوەکە پێیوایە دەرفەتی باشتر بۆ بازاڕگەری بەرهەمە کشتوکاڵیەکان دەڕەخسێنن، واتا کاریگەریەکە بە ئەرێنی دەرکەوتوە، لەپلەی کۆتاییش تۆڕە کۆمەڵایەتیەکان کاریگەریان نیە لەسەر ئاشنابون بە پەرەپێدانی تەکنەلۆژیای کشتوکاڵی واتە کاریگەریەکە بە نەرێنی دەرکەوتوە.