شیکردنەوەی جۆرەکانی شوێنپێی ڕستەسازی لە زمانی کوردیدا بەپێی تیۆریی دەسەڵات و بەستنەوە

شیکردنەوەی جۆرەکانی شوێنپێی ڕستەسازی لە زمانی کوردیدا بەپێی تیۆریی دەسەڵات و بەستنەوە پوختە: لێکۆڵینەوەی بەردەست لە چوارچێوەی تیۆری دەسەڵات و بەستنەوەدا جۆری شوێنپێیەکان لە زمانی کوردیدا شیکاری دەکاتەوە. لێرەدا ئامانجی سەرەکی، شیکردنەوەی پێکهاتە ڕستەسازییەکانە کە تێیدا توخمەکانی وەک بکەر، بەرکار و وشەی پرسیار دەگوازرێنەوە و شوێنپێیەکی سینتاکسی بەجێ دەهێڵن. داتاکان لە ڕستە سروشتی و ئاساییەکانی زمانی کوردی وەرگیراون و بە بەکارهێنانی هێڵکاریی درەختی ئێکس بار (x-bar) شیکراونەتەوە. ئەنجامەکان ئەوە دەردەخەن کە زمانی کوردی زمانێکی جێناوخەر (pro-drop)ە و بە شێوەیەکی پێڕەومەند جۆرەکانی شوێنپێی وەک شوێنپێی فرەیزەی وشەی پرسیار، فرەیزەی ناوی و جێناوی بەکاردەهێنێت. ئەم نموونانە ئاماژە بەوە دەکەن کە زمانی کوردی لەگەڵ بنەما گشتگیرەکانی تیۆری دەسەڵات و بەستنەوەدا یەکدەگرنەوەو هەروەها توێژینەوەکە جەخت لەسەر تایبەتمەندییە پارامێترییەکانی زمانی کوردی دەکاتەوە، بە تایبەت لە سڕینەوەی بکەر و گواستنەوەی توخمەکانی پرسیار. دەسکەوتی توێژینەوەکە  ئاستی هۆشیاریی و تێگەیشتن لە پێکهاتەی ڕستەسازیی زمانی کوردی و فێرکاریی ئەم زمانە بەرزتر دەکاتەوە.