هۆکارەکۆمەڵایەتی وکەلتوریەکانی بەکاربردنی ڕووکەشی لە کۆمەڵگەی کوردیدا

بەکاربردنی ڕووکەشی لەم ساڵانەی دوایدا وەک دیاردەیەکی بەربڵاو لە ناو کۆمەڵگەکاندا سەری هەڵداوە کە ئەمەش دەبێتە هۆی بە فیڕۆدانی داهاتی تاک لە کڕینی شمەک و خزمەت گووزارییەک کە پێداویستی خاوەنەکەی پڕناکاتەوە،بەڵکو تەنها بۆ ڕاکێشانی سەرنجی خەڵک بە لای خۆتداخۆدەرخستن  وخۆچواندن بەکەسانی دەوڵەمەند و خاوەن پێگە. ئامانجی ئەم توێژینەوەیە بریتیە لە دەرخستنی پالنەرەکانی بەکاربردنی ڕووکەشی و خەرجکردنی پارەیەکی زۆر بۆ ئەوشتانەی کە پێویست نین، خستنەڕووی ئەو هۆکارە کۆمەڵایەتیانەی ، دەبنە هۆی بڵاوبونەوەی دیاردەی بەکاربردنی ڕووکەشی لە کۆمەڵگەی کوردیدا. لەم توێژینەوەیەدا میتۆدی ڕووپێوی کۆمەڵایەتی بەکار هاتووە بەمەبەستی شیکردنەوەی داتاو زانیاریەکان، وە پشت دەبەستێت بە فۆڕمی پێوانە بەمەبەستی کۆکردنەوەی داتا. کۆمەڵگەی توێژینەوەکە بریتیە لە دانیشتوانی شاری سلێمانی، بەوەرگرتنی نمونە لە ئاستی ئابوری بەرزەوە بۆ نزم لە دانیشتوانی هەرسێ سیتی (گاردن سیتی، دەروازە سیتی و کوردسیتی). لە هەریەکەیان (١٠٠) یەکە بەڕێژەیەکی یەکسان وەرگیراوە. لە گرنگترین ئەو ئەنجامانەی ئەم توێژینەوەیە پێی گەشتووە، بە پلەی یەکەم هۆکارە کۆمەڵایەتیەکان پاڵنەری بەکاربردنی ڕووکەشین. بە پلەی دووەم هۆکارە ئابوری و تەندروستیەکان پاڵنەری بەکاربردنی ڕووکەشین لە کوردستان.