ڕۆڵی تیۆری سێتا لە زمانی کوردیدا

ڕۆڵی تیۆری سێتا لە زمانی کوردیدا ئەم توێژینەوەیە ڕۆڵی تیۆری سێتا (Theta Theory)،كە شیکردنەوەی پەیوەندیی ڕستەسازی و واتاسازی لە زمانی کوردیدا تاوتوێ دەکات. لە ئاستی ڕستەسازیی تایبەتە بە بواری واتا، واتە سێتا تێكەڵە لە نێوان ڕستەسازی و واتاسازیدا دیوی ڕستەسازی كەرەستەكانی ڕستەیە دیوی واتاسازی پەیوەستە بە فۆرم و واتاوە .تیۆری سێتا، کە بەشێکی گرنگی ڕێزمانی گشتیی چۆمسکییە، چوارچێوەیەکی ڕێکخراوە بۆ لێکۆڵینەوەی پەیوەندی نێوان کار و ئارگیۆمێنتەكانی دابین دەکات. لە زمانی کوردییدا، تیۆری سێتا دەتوانێت ڕۆڵێکی بەرچاو لە شیکردنەوەی رۆڵەكانی (كارا ، كارتێكراو ، ئامێر وئامانج و سەرچاوە ........هتد)و تایبەتمەندییەکانی شێوازی ڕستەسازی SOV)) و حاڵەتی ناوەکان ببینێت. لێکۆڵینەوەکە پیشانی دەدات، کە سێتا-ڕۆڵەکان لە زمانی کوردیی بە شێوەیەکی تایبەت دەردەکەون، بەتایبەتی لە پەیوەندی نێوان كار وئارگۆمێنتەكاندا. ئەم توێژینەوەیە ئەو ئاستەنگانەش دەخاتە ڕوو، کە تیۆری سێتای لە شیکردنەوەی هەندێک ڕستەدا ڕووبەڕووی دەبێتەوە ، دەرەنجامەکان دەریدەخەن، کە پێویستە تیۆری سێتا بۆ زمانی کوردیی تایبەتمەندتر بکرێت بۆ ئەوەی توانای شیکردنەوەی تایبەتمەندییە ڕێزمانی-مۆرفۆلۆژییەکانی هەبێت. ئەم توێژینەوەیە دەرگا لەسەر بوارێکی گرنگی لێکۆڵینەوەی زمانەوانی کوردی دەکاتەوە و بەشداری دەکات لە دەوڵەمەندکردنی تیۆری زمانەوانیی کوردی لە هەردوو لایەنی تیۆری و پراکتیکیدا.