مۆڕفیمەکانی کار لە زمانی فارسیدا

پوختە ئەم توێژینەوەیە بە ناونیشانی (مۆڕفیمەکانی کار لە زمانی فارسیدا)یە له سۆنگەی ئەوەی کار بناغە و کڕۆکی ڕستەیە و ڕۆڵی سەرەکی دەگێڕێ لە ئاخاوتندا و هەموو کەرەسەکانی تر لەژێر هەژموون و بەرزەفتەی کاردان، بۆیە ناساندن و ساغکردنوەی دەبێتە زەمینەیەکی بەپێز و پاشخانێکی فراوان بۆ نمایشکردنی ئەو توێژینەوەیە، بۆیە لە سەرەتادا کار ناسێندراوە و دواتر گرنگی کار لە ڕێزماندا لە سێ بواری جیاوازدا وەک: مۆڕفۆسازی و وشەسازی و ڕستەسازی خراوەتەڕوو. ئینجا مۆڕفیمەکانی کار لە زمانی فارسیدا خراوتەڕوو وەک: کات، کەس، نەرێ...هتد کە ڕەگی کار تێیدا مۆڕفیمێکی تەوەرەییە. توێژینەوەکە لە لایەک بە زمانی کوردی زاری پێوەربەندی ناوەڕاستە و لە لایەک شیرکردنەوەی کەرەسەکانی کارە لە زمانی فارسیدا. لە کۆتایشدا گرنگترین ئەنجامەکانی توێژینەوەکە خراوەتەڕوو. وشە سەرەکیەکان: مۆڕفیم، کار، ڕەگ، فارسی