کەلتوری ئوروک و بڵاوبوونەوەی لە کوردستان

–  ئوروک بە سەردەمی بڵاوبوونەوەی شارستانیەت دەبینرێت، کە زۆربەی مێسۆپۆتامیا و زاگرۆسیی کۆنی داپۆشیبو. کوردستانی کۆنیش بەشێک بووە لەو کلتورە و بۆ ماوەیەکی زۆر  کۆنترۆڵی کوردستانی دەکرد لە  ڕێگەی بنکە بازرگانی و کارگێڕییەکانیەوە، بەڵام دانیشتوانی ئەودەمەی کوردستان هەمیشە کلتووری خۆیان پاراستووە. سەرەڕای ئەوەش، دۆزینەوە شوێنەوارییە نوێیەکان لە کوردستانی باشوور زانیاری جیاوازتر پێشکەش دەکەن لەوانەی کە دەربارەی ئەم کەلتوورە لە باشووری مێزۆپۆتامیا زانراوە. ئەم توێژینەوەیە باس لە سەرهەڵدان و ئاوابوونی کەلتوری ئوروک ئەکات و باس لە گرنگترین شوێنەکانی کوردستان ئەکات کە کەرەستەی بەرجەستەی ئەم کەلتورەی لەخۆگرتوە.