निना कथामा अङ्गी र अङ्गरसको अवस्था

Title: निना कथामा अङ्गी र अङ्गरसको अवस्था

Description:

प्रस्तुत निना कथामा अङ्गी र अङ्गरसको अवस्था शीर्षकको अनुसन्धानमूलक लेख रससिद्धान्तसँग सापेक्षित रहेको छ । विशेष गरी कथामा प्रस्तुत रसको निदान गरी अङ्ग र अङ्गीरसको अवस्थाकोनिरूपण गर्नु यस लेखको उद्देश्य रहेको छ । लेखमा निना कथाका प्रमुख पात्रहरू निना र मालामा रतिभाव प्रबल रहेको र सम्भोग श्रृङ्गार अङ्गीरसका रूपमा प्रकट भएको निष्कर्ष दिइएको छ । यसैगरी निनामा बेलाबेलामा प्रकट भएका विस्मयपरक व्यवहारहरू अद्भुत रससँग सम्बन्धित रहेका हुनाले यसलाई कथामा प्रस्तुत अङ्गरस भनेर निचोड दिइएको छ । लेखमा प्रस्तुत विश्लेषणीय प्राज्ञिक विषयहरू गुणात्मक अध्ययन पद्धतिमा आधारित भएर व्याख्यापरक विधिमार्फत विश्लेषण गरिएकोछ । अध्ययनमा उद्देश्यमूलक नमुना छनोट पद्धतिका आधारमा कथा चयन गरी अङ्गी र अङ्गरससँग सम्बन्धित रससिद्धान्तका आलोकमा विश्लेषण गरिएको छ । यस लेखमा निना र मालाका क्रियाकलापहरू रतिरागात्मक रहेका र समग्र कथा सम्भोग श्रृङ्गार रसमा प्रस्तुत भएको उल्लेख गरिएको छ । रतिकृत्यमा रमाउने गरेकी मालासँगको सङ्गतले निनामा आमूल परिवर्तन आएको छ रउनीहरू दुवै यौनजन्य कृत्यमा सामेल भएका छन्। कथामा यही रसभाव प्रमुख रूपमा प्रकट भएको छ भन्ने यस अध्ययनको सार रहेको छ । सौम्य स्वभावकी निना आफ्नो पतिसँग सरल जीवनशैलीमा रहँदारहँदै जब साल्सा सिक्ने अनि मालाको सम्पर्कमा रहेपछि उसले अनुभव गर्दै गएका रति कृत्यको नवीनतामा विस्मयपरक भाव बेलाबेलामा प्रकट भएको देखिएको छ यो नै अद्भूत रस हो । यसलाई अङ्गरसका रूपमा व्याख्या गरिएको छ ।.