بنەما و ئەرکەکانى دەوڵەت و دەوڵەتداران لەدیدى زاناکانى ئیسلامدا

  پوخته ئەم توێژینەوەیە بریتیە لە (بنەما و ئەرکەکانى دەوڵەت و دەوڵەتداران لەدیدى زاناکانى ئیسلامدا)، کە تیایدا بەشێوەیەکى وورد ناساندن بۆ دەوڵەت کراوە و لەڕووى زاراوە و واتاکەیەوە شیکراوەتە، هەروەها چۆنیەتى بەڕێوەبردنى دەوڵەت و دەوڵەتدارى لەدیدى زاناکانى ئیسلامدا تیایدا باسکراوە. ئەنجامدانى توێژینەوە دەربارەى ئەم جۆرە بابەتانە خاوەنى تایبەتمەندى خۆیەتى؛ چونکە دەوڵەت بە یەکێک لەگرنگترین رەهەندەکانى سیاسەت و مێژوو دادەنرێت,  دەوڵەتداریش پەیوەستە بەکار و بارى کارگێڕى دەسەڵاتى سیاسی و چونیەتى بەڕێوەبردنى وڵات، بۆیە ئەنجامدانى توێژینەوەى هاوشێوەیەى ئەم بابەتە پێویستییەکى گرنگە بۆ پڕکردنەوەى ئەم بۆشاییانى لە پێوەندنى نێوان سیاسەت و مێژوودا بوونى هەیە. لەم توێژینەوەیەدا پشت بە میتۆدى زانستى شیکارى ناوەڕک بەستراوە و زیاتر جەخت لەسەر سەرچاوەکانى تایبەت بەم بوارە کراوەتەوە، بۆزیاتر بە ئەکادیمى بوونى بابەتەکەش تاکرابێت هەوڵدراوە بگەڕێنەوە سەر سەرچاوە رەسەنەکانى تایبەت بەم بوارە.، تاوەکو بگەین بە راستییەکانى چۆنییەتى دەوڵەتدارى لەدیدى زاناکانى ئیسلامدا. هەروەها شیکردنەوەى چەمکى دەوڵەت لە سەرچاوەکانى تایبەت بەم بابەتە گرنگى پێدراوە. ئامانجى سەرەکى ئەم توێژینەوەیەش بریتیە لە دەرخستنى چۆنیەتى بەڕیوەبردنى دەوڵەت لەلاى زاناکانى ئیسلام و شێوازەکانى ئیدارەدانى دەوڵەت. هەروەها مەبەست لەم توێژینەوەیەدا بریتیە لە دەرخستنى ئەرکەکانى دەوڵەت بەرانبەر بە کۆمەڵگا و خەڵکانى ژێردەستى. لەکۆتاییشدا لەئەنجامى توێژینەوەکەمان بۆمان بەدیاردەکەوێت کە گەیشتووین بە ئامانجەکانى توێژینەوەکە، ئەوانیش بریتین لە وەڵامدانەوەى ئەو پرسیارانە: زاراوە و واتاى دەوڵەت چیە؟ بنەما و روکنەکانى دەوڵەت چین؟ دەوڵەتدارى و ئەرکەکانى دەوڵەت لەدیدى زاناکانى ئیسلامدا چیە؟