Raportim rasti: krahasimi i herbst tradicional dhe herbst të fiksuar mbi minivida

Malokluzioni i klasës II është një nga problematikat më të zakonshme në ortodonci, shpesh trajtuar me aparatin Herbst. Ky raport paraqet një krahasim klinik midis Herbst-it tradicional dhe Herbst-it të fik-suar mbi minivida (TAD - Temporary Anchorage Devices). Rastet përfshijnë një paciente 12vjeçare me Herbst tradicional dhe një pacient 15-vjeçar me Herbst mbi minivida. Rezultatet treguan se të dyja teknikat janë efektive në korrigjimin e malokluzionit të klasës II, me përmirësim të ndjeshëm në overjet, profilin facial dhe marrëdhëniet dento-skeletore. Megjithatë, Herbst mbi minivida ofroi stabilitet më të lartë, relaps minimal dhe menaxhim më të mirë higjienik, duke reduktuar diskomfortin fillestar. Në përfundim, Herbst mbi minivida paraqet një opsion të avancuar për raste me kërkesa më komplekse të ankorimit skeletor. Fotot fillestare: Fotot e paraqitura perfshijne pamje frontale dhe laterale, intraorale dhe radiografi panoramike dhe cefalometrike, te cilat konfirmojne malokluzionin skeletor dhe dentar te Klasës II.