پەیوەندی قەیرانی ئابووری بە سەقامگیری سیاسی

ئامانج لەم توێژینەوەیە زانینی پەیوەندی قەیرانی ئابووری بە سەقامگیری سیاسی لای گەنجانی شاری هەولێر. هەروەها زانینی ئەوەی کە ئایا کوالێتی ژیان وەک گۆڕاوی نێوەندگر تا چەند کاریگەری لە سەر گۆڕاوەکانی توێژینەوەکە هەیە لای بەشدارنی نمونەی توێژینەوەکە کە گەنجانی شاری هەولێرە. توێژینەوەکە بە ئاڕاستەی چەندایەتی و بە میتۆدی وەسفی بە ڕێگای ڕووپێوی کۆمەڵایەتی ئەنجام دراوە. کۆمەڵگای توێژینەوەکە گەنجانی شاری هەولێرە کە تەمەنیان لە نێوان (١٨ بۆ ٣٤) ساڵە. توێژەران بۆ ئەم مەبەستە بە ڕێگای نمونە وەرگرتنی هەڕەمەکی چینایەتی (٤٠٠) گەنجی شاری هەولێریان وەرگرتووە بە لەبەرچاو گرتنی تایبەتمەندییە دیمۆگرافییەکانی وەک (ڕەگەز، باری کۆمەڵایەتی و پیشە). توێژەران بۆ پێوانی گۆڕاوەکانی توێژینەوەکە بە مەبەستی کۆکردنەوەی داتا و زانیارییەکان فۆرمێکی پرسیارنامەیان ئامادە کردبوو کە سێ پێوەری (قەیرانی ئابووری، سەقامگیری سیاسی و کۆالێتی ژیان) لە خۆ گرتبوو. دوای کۆکردنەوەی داتا و زانیارییەکان لە کۆمەڵگای توێژینەوەکە، بە ڕێگای پڕۆگرامی (SPSS &AMOS) شیکردنەوەیان بۆ داتاکان کردبوو. گرنگترین ئەنجامەکان بریتیی بوون لەوەی: ئاستی قەیرانی ئابووری لای بەشدارانی نمونەی توێژینەوەکە بەرزە. هەروەها بەشێوەيەكى گشتى بەشدارانى نموونەكە هەست بە سەقامگيرييەكى زۆر كەم دەكەن لەڕووى سياسييەوە. بەڵام لە رەهەندى ململانێ سياسيدا، ئاستەکە بەرزترە بەزترە، واتە هەست بە ململانێيەكى سياسى تارادەيەك بەزر دەكەن. هەروەها چۆنایەتی ژيان بەشێوەيەكى بەشەكى نێوەندگيرى (Partial mediation) دەكات لە نێوان قەيرانى ئابوورى وسەقامگيرى سياسيدا. بە زيادبوونى ئاستی چۆنايەتى ژيان، زيادبوون لە ئاستی سەقامگيرى سياسى دروست دەبێت و بە كەمبوونەوەى ئاستی چۆنايەتى ژيان، كەمبوونەوە لە ئاستی سەقامگيرى سياسى روودەدات