بیرکردنەوەی داهێنەرانە و پەیوەندی بە ڕازیبوون لە پسپۆڕی خوێندن لای خوێندکارانی بەشی باخچەی منداڵان

ئامانجی ئەم توێژینەوە بریتییە لە زانینی ئاستی بیرکردنەوەی داهێنەرانە  لای خوێندکارانی بەشی باخچەی منداڵان و هەروەها زانینی ئاستی بیرکردنەوەی داهێنەرانە لای خوێندکارانی بەشی باخچەی منداڵان بە پێی گۆڕاوی قۆناغی خوێندن ، هەروەها زانینی ئاستی ڕازی بوون لە پسپۆڕی خوێندن  لای خوێندکارانی بەشی باخچەی منداڵان و هەروەها زانینی ئاستی ڕازی بوون لە پسپۆڕی خوێندن  لای خوێندکارانی بەشی باخچەی منداڵان بە پێی گۆڕاوی قۆناغی خوێندن ، زانینی پەیوەندی نێوان بیرکردنەوەی داهێنەرانە و ڕازیبوون لە پسپۆڕی خوێندن لای خوێندکارانی بەشی باخچەی منداڵان، کۆمەڵگەی توێژینەوەکە پێکهاتووە لە ( 108)خوێندکار لە بەشی باخچەی منداڵان لە کۆلێجی پەروەردەی شارەزوور لە زانکۆی هەڵەبجە. وە نمونەی توێژینەوەکە پێکهاتووە لە ( 80 ) خوێندکار بۆ ساڵی خوێندنی(2024-2025) کە بە شێوەی هەڕەمەکی هەڵبژێردران ، ئامرازی توێژینەوەکە بە مەبەستی جێبەجێکردنی ئامانجەکانی توێژینەوەکە بریتییە لە پێوەری ( بیرکردنەوەی داهێنەرانە کە پێکهاتبوو لە (26) بڕگە و ڕازیبوون لە پسپۆڕی خوێندن (26) بڕگە کە هەردوو پێوەرەکە وەرگیرابوون, گرنگترین ئامرازە ئامارییە بەکارهاتووەکان ( پێرسۆن, سپێرمان-براون, ئەلفاکرونباخ, تاقیکردنەوەى (ت) یەک نمونە و هاوكۆلكه‌ی ئاماری جياوازى یه‌كی (One-way ANOVA) و هاوكێشه‌ی LSD)، ئەنجامەکانى توێژینەوەکە بریتییە لە ( ئاستى بیرکردنەوەی داهێنەرانە لاى ئەندامانى نمونەى توێژینەوەکە لە ئاستێکى بەرزدایە هەروەها ئاستى ڕازیبوون لە پسپۆڕی خوێندن لە ئاستێکى بەرزدایە ، جیاوازى بەڵگەداری نییە لە ئاستی بیرکردنەوەی داهێنەرانە بە پێی گۆڕاوى قۆناغی خوێندن، جیاوازى بەڵگەداری هەیە لە ئاستی ڕازیبوون لە پسپۆڕی خوێندن بە پێی گۆڕاوى قۆناغی خوێندن، پەیوەندی نێوان بیرکردنەوەی داهێنەرانە و ڕازیبوون لە پسپۆڕی خوێندن پەیوەندییەکی ڕاستەوانەی پەسەندە .