Kamalayan at Aksyon sa Pagbabago ng Klima: Ang Papel ng Komunidad

Ang pagbabago ng klima ay nagaganap sa bawat pang-aabuso at kawalan ng disiplina sa pag-aalaga ng ating kalikasan. Tinalakay sa pananaliksik ang mga kaalaman, kasanayang pag-uugali, mga hakbang at estratehiya na may direktang epekto ng pagbabago ng klima at tinukoy kung paano nakaaapekto sa pangmatagalang katatagan ng komunidad at kapaligiran ang antas ng kaalaman, mga kasanayang pag-uugali, at mga aksyon na isinasagawa ng mga mamamayan kaugnay sa pagbabago ng klima, kasanayan, at pagkilos ng mga mamamayan sa limang malalaking barangay sa Cabanatuan City kaugnay ng pagbabago ng klima. Ginamit ang Diskriptibong pananaliksik at ang kabuuang respondente ay 397. Ipinakita ng resulta na ang kaalaman ng mga mamamayan sa climate change ay nasa katamtamang antas, kaya’t may pangangailangan para sa mas masusing edukasyon upang mapataas ang kanilang kamalayan. Natuklasan din na ang mga gawi tulad ng labis na paggamit ng kuryente, hindi tamang pagtatapon ng basura, at deforestation ay madalas isinasagawa, na nag-aambag sa environmental degradation. Bagamat may mga hakbang tulad ng pagtatanim ng puno at paggamit ng pampublikong transportasyon, ito ay paminsan-minsang isinasagawa. Ang kakulangan ng regulasyon at edukasyon ay isa sa mga hadlang sa epektibong climate adaptation. Inirerekomenda ang pagpapalakas ng community-based climate programs upang mapabuti ang climate resilience ng lungsod.