BOSHLANGʻICH SINF OʻQUVCHILARIDA ZAMONAVIY KOʻNIKMALARNI SHAKLLANTIRISHNING ZAMONAVIY PEDAGOGIK PSIXOLOGIK ASOSLARI

Maqolada boshlang‘ich sinf o‘quvchilarida zamonaviy ko‘nikmalarni shakllantirish jarayonining pedagogik va psixologik asoslari tizimli ravishda tahlil etilgan. Tadqiqotda o‘qituvchi shaxsining kasbiy kompetensiyasi, pedagogik mahorati, psixologik sezgirligi hamda shaxslararo muloqot madaniyati ta’lim jarayonining samaradorligini belgilovchi asosiy omillar sifatida talqin qilinadi. Boshlang‘ich ta’lim bosqichida o‘quvchi shaxsining individual xususiyatlarini inobatga olish, ularning hissiy, aqliy va ijtimoiy rivojlanish jarayonida o‘qituvchi tomonidan qo‘llaniladigan pedagogik yondashuvlarning o‘rni alohida yoritilgan. Maqolada zamonaviy ta’lim nazariyalariga asoslanib, o‘qituvchi va o‘quvchi o‘rtasidagi o‘zaro ta’sirni tashkil etishda ijobiy psixologik muhit yaratish, bolalarning o‘z-o‘zini ifoda etish va mustaqil fikrlash salohiyatini rivojlantirish zarurligi ta’kidlanadi. Shuningdek, boshlang‘ich sinf o‘quvchilarida zamonaviy ko‘nikmalarni shakllantirish o‘qituvchining psixologik madaniyati, refleksiv tafakkuri va pedagogik innovatsiyalarga ochiqligi bilan bevosita bog‘liqligi asoslab berilgan.