POSTPANDEMİYA DÖVRÜNDƏ BANKLARIN FƏALİYYƏTİ

Bank əmanət qəbul edən, müxtəlif kredit əməliyyatlarında bu əmanətlərdən ən səmərəli şəkildə istifadə etməyi qarşısına məqsəd qoyan və ya bir sözlə, fəaliyyətinin əsas predmeti kredit götürmək və ya kredit verməkdən ibarət olan iqtisadi qurum kimi müəyyən edilir. Banklar pula qənaət edən və gəlir əldə etmək üçün öz adlarına investisiya qoyan əsas kredit təşkilatlarıdır.Pul bazarlarının əsas vasitəçisi kommersiya banklarıdır. Banklar əmanətçilərdən və şirkətlərdən toplanan kommersiya depozitləri əsasında qısamüddətli kreditlər verir. Bankların əsas funksiyası iqtisadiyyatdakı əmanətləri minimum xərclə ehtiyacı olanlara köçürməkdən ibarətdir. Banklar əmanətçilərdən və ya digər əmanət sahiblərindən topladıqları vəsaitləri diskontlaşdırma, kreditləşdirmə və digər maliyyə əməliyyatlarında öz hesabları üçün istifadə etməyi davamlı fəaliyyətinə çevirmiş maliyyə institutlarıdır. Maliyyə resurslarına güclü tələbat və maliyyə axınlarının Azərbaycanın inkişaf edən iqtisadiyyatı daxilində bölüşdürülməsini nəzərə alaraq, bankların daha çox cəlb edilməsinə ehtiyac vardır. Eyni zamanda, bankların ölkə iqtisadiyyatında mövcudluq səviyyəsi 20%-dən aşağı olması, fəaliyyət göstərən bankların sayının artırılmasını zəruri edir. Azərbaycan banklarında kapitallaşma səviyyəsinin aşağı olması məsələsinin həlli, bank sisteminin ölkənin iqtisadi tələblərinə uyğunlaşdırılmasını sürətləndirmək üçün mühüm əhəmiyyət kəsb edir. Məqalədə bank sisteminin mövcud vəziyyəti və fəaliyyət xüsusiyyətlərindən bəhs edilmiş, postpandemiya dövründə bankların əsas inkişaf meyilləri nəzərdən keçirilmişdir. 2021-ci ilin göstəricilərinə əsasən Azərbaycanda bankların nizamnamə kapitalına görə renkinqi, 2022-ci il üzrə bank sektoruna qoyulan kapital həcmi, kredit portfelinin sahələr üzrə strukturu, 2021-2022-ci illər üzrə kredit qoyuluşunun dinamikası cədvəl və diaqramların vasitəsilə təhlil edilmişdir. Açar sözlər: bank sistemi, iqtisadiyyat, kredit, fiziki şəxslər, kapital həcmi.