دۆخى ئه‌نارشیزم له‌سیسته‌مى نێوده‌وڵه‌تى نوێ له‌ڕۆژهه‌ڵاتى ناوه‌راست دواى ساڵى 2011هەتا٢٠٢١

پوختە    ئه‌م توێژینه‌وه‌یه‌ گرنگى داوه‌ به‌پاشخانێكى كورتى مێژوویى بۆ خودى چه‌مكى ئه‌نارشیزم ولێكه‌وت وكاردانه‌وه‌كانى، هه‌روه‌ها كاریگه‌رى ئه‌م چه‌مكه‌ له‌سه‌ر شوێن وجێگه‌ى وڵاتان په‌یوه‌ندییان به‌ئاستى هێزى یه‌كترییه‌وه‌، هه‌روه‌ها هۆكارى ئه‌و نائارامى وناسه‌قامگیرییه‌ى كه‌ له‌رۆژهه‌ڵاتى ناوه‌راستدا بوونى هه‌یه‌، هۆكاره‌كه‌ى په‌یوه‌نیداره‌ به‌بوونى ئه‌نارشیزمى نێوده‌وڵه‌تى وگواستنه‌وه‌ى ئه‌مه‌ بۆ رۆژهه‌ڵاتى ناوه‌راست بۆ واقعی كردارى، به‌تایبه‌ت دواى رووداو و گۆڕانكارییه‌كانى وڵاتانى عه‌ره‌بی له‌ساڵى 2011، سه‌نگ وقورسایى وپێگه‌ى و وڵاتان له‌ سیاسه‌تى ده‌ره‌وه‌ییان به‌رامبه‌ر به‌و ژینگه‌ییه‌ى كه‌ سیاسه‌ته‌كه‌ى ئاراسته‌ ده‌كه‌ن. ئه‌م توێژینه‌وه‌یه‌ جه‌خت ده‌كاته‌ سه‌ر ژینگه‌ى سیسته‌مى سیاسى نێوده‌وڵه‌تى وكارلێك و به‌ریه‌ككه‌وتنه‌كانى هێزه‌كان تیایدا له‌ناو ناوچه‌ى رۆژهه‌ڵاتى ناوه‌راست به‌تایبه‌ت دواى گۆڕانكارییه‌كانى وڵاتانى عه‌ره‌بی له‌ساڵى 2011، وپێكدادانى به‌رژە‌وه‌ندنى ده‌وڵه‌تان له‌ناو چوارچێوه‌ى ئه‌و وڵاتانه‌ى كه‌ شۆڕش وراپه‌رین تیادا روویدا.  وهه‌موو ئه‌و كارلێك وپه‌یوه‌ندییانه‌ى كه‌ له‌ نێوان وڵاتاندا هه‌یه‌، ته‌نها به‌ئه‌ندازه‌ى پێویست بۆ په‌یبردن به‌ئاستى ئه‌وه‌ى چ كاریگه‌رییه‌كیان هه‌یه‌ له‌سه‌ر خودى ئه‌و نا ئارامییه‌ى كه‌ له‌سیسته‌مى نێوده‌وڵه‌تیدا هه‌یه‌. وشه‌ كلیلیه‌كان: ئه‌نارشیزم      سیسته‌مى نێوده‌وڵه‌تى    رۆژهه‌ڵاتى ناوه‌راست