Kahalagahan Ng Wikang Filipino Sa Pagtuturo Ng Mga Guro Ng Mindanao State University- Sulu Ng Batayang Kaalaman

Ang pag-aaral na ito ay naglalayong tukuyin ang demograpikong profile ng mga respondente batay sa edad, kasarian, antas ng edukasyon, tagal ng serbisyo, at asignaturang tinuturo; alamin ang antas ng paggamit ng Wikang Filipino at ang mga epekto, benepisyo, at hamon nito; matukoy kung may makabuluhang pagkakaiba sa antas ng paggamit ng Wikang Filipino batay sa mga demograpikong katangian; at alamin ang ugnayan ng mga sub-kategorya sa antas ng paggamit ng Wikang Filipino. Gumamit ito ng deskriptibong kwantitatibong disenyo, na isinagawa sa MSU-Sulu gamit ang 100 estudyante bilang respondente sa pamamagitan ng purposive sampling. Ang instrumento ay nahahati sa dalawang bahagi.: ang una nitong parte. ay tungkol sa mga datos ng populasyon ng mga sumasagot., habang ang ikalawa ay para sa pagsusuri ng paggamit ng Wikang Filipino, na may limang antas ng pagsagot mula “lubos na sumasang-ayon” hanggang “lubos na di sumasang-ayon.” Ginamit ang frequency at porsyento para sa unang tanong, mean at standard deviation para sa ikalawa, t-test para sa kasarian, ANOVA para sa ikatlong tanong, at Pearson r para sa ikaapat. Ipinakita ng resulta na higit sa kalahati ng mga respondente ay may edad 30 pababa, karamihan ay babae, at may tagal ng serbisyo na 5 taon pababa. Karamihan sa mga respondente ay sumasang-ayon sa paggamit ng Wikang Filipino. Walang makabuluhang pagkakaiba sa paggamit ng Wikang Filipino batay sa demograpikong katangian. Ipinapakita ng pag-aaral ang mataas na ugnayan ng epekto, benepisyo, at hamon ng paggamit nito, na nagbibigay ng mahalagang impormasyon sa konteksto ng edukasyon.