EPEKTO NG ESTILO NG GURO SA PATUTURO SA UGNAYAN NG KOOPERATIBONG PAGKATUTO AT PAGKATUTO NG WIKANG FILIPINO SA UNANG TAON NG BSED FILIPINO SA LOKAL NA KOLEHIYO NG KAPALONG

Ang layunin sa pag-aaral na ito ay matukoy ang epekto ng estilo ng guro sa pagtuturo sa ugnayan ng kooperatibong pagkatuto at pagkatuto ng wikang Filipino sa unang taon ng BSEd Filipino sa lokal na kolehiyo ng Kapalong. Ang pag-aaral na ito ay isang kwantitatibong pananaliksik na gamit ang mediation na analisis. Gamit ang stratified random sampling specifically proportional allocation para sa pagkuha ng sampol at Slovin’s formula na 0.05 margin of error para sa sample size, at 117 na random na mag-aaral mula unang taon sa mayoryang Filipino na naging respondante sa 3 baryabol. Natuklasan sa resulta ng pag-aaral na ang antas ng kooperatibong pagkatuto, pagkatuto ng wikang Filipino at estilo ng guro sa pagtuturo, ay nakakuha ng pinakamataas na mean. Nakita din sa resulta na ang ugnayan sa pagitan ng kooperatibong pagkatuto at pagkatuto ng wikang Filipino, ugnayan sa pagitan ng kooperatibong pagkatuto at estilo ng guro sa pagtuturo at ang ugnayan sa pagitan ng estilo ng guro sa pagtuturo at pagkatuto ng wikang Filipino ay may makabuluhang ugnayan. Sa karagdagan, nakita din sa resulta na ang estilo ng guro sa pagtuturo ay may epekto sa ugnayan ng kooperatibong pagkatuto at pagkatuto ng wikang Filipino. MGA SUSING SALITA: estilo ng guro sa pagtuturo, kooperatibong pagkatuto, pagkatuto ng wikang Filipino