INTERAKTIV TELEJURNALISTIKANING FIZIOLOGIK OMILLARI

Mazkur maqolada interaktiv jurnalistikaning fiziologik omillari masalalari ko‘rib chiqildi. Globallashuv jarayonida taraqqiy etayotgan interaktiv jurnalistika rivojlanishida auditoriyaning axborotga bo‘lgan ehtiyoji qondirilar ekan, tomoshabinning ijtimoiy-fiziologik talablarini ilmiy tadqiq etish muhim ahamiyat kasb etadi. Interaktiv jarayonda axborot olish, tarqatish, almashish va ishlab chiqarishda faol ishtirokchi, ba’zida hammuallif bo‘lish kabi ijtimoiy xususiyatlar auditoriyaning ko‘rish, eshitish, so‘zlashishdek fiziologik talablari, shuningdek, ko‘pchilik oldida o‘z nuqtai-nazarini ifodalash va fikr bildirish kabi ijtimoiy ehtiyojlari qondiriladi. Ma’lumki, interaktiv jurnalistikaning rivojlanishi uchun zarur bo‘lgan ijtimoiy xususiyatlarning asosida insonning fiziologik qobiliyat va ehtiyojlari yotar ekan, ulardan mahrumlik salbiy oqibatlarga olib kelishi mumkinligi tadqiqotda tahlil qilingan. Izlanishda muloqot, muomala, munosabat, kommunikatsiya tushunchalari borasida so‘z yuritiladi. Mazkur izlanishda auditoriya OAV orqali muloqotga kirishar ekan, kommunikatsiya uchun maydon sifatida teleefir o‘ziga xos platforma bo‘lib xizmat qilishi yoritilgan. OAV ommmaviy kommunikatsiya vositasiga aylanib, ijtimoiy faollashib, jamiyatning muhim qismiga aylanishini ta’kidlash kerak. Tadqiqotning dolzarbligi sifatida kommunikatsiyaning turli vazifalarining bugungi kunda interaktiv jurnalistikada o‘z ifodasini topganligi borasidagi tahlilini ko‘rsatish mumkin. Izlanishda auditoriyaning interaktiv jarayondagi ijtimoiy-fiziologik ehtiyojlari ilmiy nazariy qarashlar va amaliy misollar yordamida ochib berilgan, olib borilgan tadqiqotlar natijalariga ko‘ra ilmiy xulosalar qilingan.