RAQAMLI TA’LIM MUHITINING BO‘LAJAK O‘QITUVCHILAR KASBIY-PEDAGOGIK BARQARORLIGIGA TA’SIR ETUVCHI OMILLARI

Maqolada raqamli ta’lim muhitining bo‘lajak o‘qituvchilar kasbiy-pedagogik barqarorligiga ta’sir etuvchi omillari pedagogika nazariyasi nuqtai nazaridan tahlil qilingan. Raqamli transformatsiya va pedagogik ta’limga oid davlat hujjatlari asosida muammoning dolzarbligi asoslangan. O‘qituvchining kasbiy rivojlanishi, barqarorligi va texnologiyani qabul qilishiga oid nazariyalar tahlili natijasida raqamli muhit omillari texnologik, pedagogik, shaxsiy va ijtimoiy-tashkiliy guruhlarga ajratilgan. Har bir guruh doirasida barqarorlikni zaiflashtiruvchi va mustahkamlovchi omillar aniqlangan. Omillarning o‘zaro ta’sir mexanizmi ochib berilgan hamda undan oliy pedagogik ta’lim uchun kelib chiqadigan nazariy xulosalar asoslangan.