Təhsil müəssisələrinin demokratik idarə edilməsinin aktual problemləri

Azərbaycan təhsilinin idarə edilməsi sahəsində, xüsusilə dünya təhsil sisteminə inteqrasiya ərəfəsində o qədər çatışmamazlıqlar meydana çıxmışdır ki,söyləməliyik ki, onlar tezliklə aradan qaldırılmalıdır. Dediyimiz çatışmamazlıqların əksəriyyəti Sovetlər birliyinin tərkibində olduğumuz ərəfədə ənənəvi təhsil zamanından yığılıb qalmış, qalanlar isə təhsilimizin qərbə inteqrasiyası zamanı , həm də Təhsil İslahatı Proqramının tələbləri ilə əlaqədar meydana çıxan problemlərdir. Bu çatışmamazlıqlardan ən əsası isə təhsilin demokratik şəkildə idarə edilməsi problemidir. Demokratiya uzun illər unudulduğundan və ona daha çox ehtiyac olduğundan bu problrmlərin həlli daha çox zərurət doğurur. Ona görə ki, cəmiyyətimizi idarə edən kadrların öz işlərində yol verdikləri ciddi nöqsanların əsası orta məktəbdən başlamışdır. Bunların da səbəb isə aydındır; onlar təhsil illərində gələcək həyata hazırlanarkən demokratiya ruhunda tərbiyə edilməsi üçün məktəbdə heç bir şərait yaradılmamışdır. Azərbaycan təhsilinin indiki vəziyyəti bütün peşələrdə şəxsiyyətin dünya görüşünün düzgün formalaşdırılmasına mane olur, onun yüksək ixtisaslı mütəxəssis kimi formalaşmasına ciddi şəkildə əngəllər törədir. R.Məmmədovun da qeyd etdiyi kimi “donub qalmış təhsil strukturları, formaları, elmi-pedaqoji fəaliyyətdə hökmranlıq edən mühafizəkarlıq, idrakla real həyat, diplom və attestatla biliklərin həqiqi vəziyyəti qarşıdurma əmələ gətirmişdir.