Jismoniy tarbiya mashg‘ulotlarida harakat faoliyatlarini o‘rgatishda vizual metodlardan foydalanishning nazariy tahlili

Ushbu maqolada jismoniy tarbiya va sport ta’limida talabalarda harakat faoliyatlarini o‘rgatish jarayonini vizuallashtirishning nazariy va metodik asoslari o‘rganilgan. Ishning dolzarbligi axborot inqilobi sharoitida ta’lim oluvchilardan yuqori darajadagi kognitiv faoliyat, ya’ni axborot birliklari orasidagi bog‘liqliklarni aniqlash, tashqi sharoitlar o‘zgaruvchanligiga moslashuvchanlikni namoyon etish va bilimlarni amaliy qo‘llash orqali mustahkamlash qobiliyatini talab qilishi bilan izohlanadi. Tadqiqotda harakat faoliyatini o‘rgatishda vizual va ideomotor tasavvurlar, kuzatish, tavsiflash va tajribaviy o‘zlashtirish jarayonlarining ahamiyati ko‘rsatib o‘tilgan.