JISMONIY TARBIYA DARSLARIDA MOTORIK KO‘NIKMALARINI RIVOJLANTIRISHDA VIDEO-TAHLIL TEXNOLOGIYALARINING O‘RNI

Mazkur maqolada jismoniy tarbiya darslarida o‘quvchilarning motorik ko‘nikmalarini rivojlantirishda video-tahlil texnologiyalarining o‘rni bo‘yicha ilmiy adabiyotlarga tizimli sharh berilgan. So‘nggi yillarda raqamli texnologiyalar, xususan, video-asoslangan vizual xulosa berish vositalari harakatlarni o‘rganish jarayonini takomillashtirishda muhim pedagogik resurs sifatida e’tirof etilmoqda. Tadqiqot doirasida Scopus va Web of Science bazalarida chop etilgan yuqori ilmiy salohiyatga ega maqolalar tahlil qilindi. Sharh natijalari shuni ko‘rsatadiki, video-tahlil texnologiyalari motorik ko‘nikmalarni shakllantirish, harakat aniqligi va bajarilish sifatini oshirishda an’anaviy og‘zaki ko‘rsatmalarga nisbatan yuqori samaradorlikka ega. Ayniqsa, o‘zini namuna sifatida ko‘rish (self-modeling) va ekspert modeli asosidagi o‘quvchining o‘z harakatlari ustida video xulosa (yoki tavsiya) berish usullari o‘quvchilarning motivatsiyasi va o‘rganish jarayoniga ijobiy ta’sir ko‘rsatadi. Shu bilan birga, ushbu texnologiyalarni amaliyotga joriy etishda sinf hajmi, texnik ta’minot, o‘qituvchilarning raqamli kompetensiyasi va ma’lumotlar xavfsizligi kabi omillarni hisobga olish zarurligi ta’kidlanadi.