"EUTİROKS” TABLETLƏRİNDƏ LEVOTİROKSİNİN YEMX-KS/KS ÜSULU İLƏ MİQDARI TƏYİNİ

Son illərdə yüksək dəqiqlik və spesifiklik, eləcə də qısa analiz müddəti kimi mühüm üstünlükləri ilə yüksək effektli maye xromatoqrafiya əczaçılıq analizlərində geniş tətbiq sahəsi qazanmışdır. Dərman maddələrinin təyini məqsədilə YEMX və onun kütlə-spektrometriya ilə tandemi geniş şəkildə istifadə olunur. Qeyd olunanları nəzərə alaraq, levotiroksinin yüksək effektli maye xromatoqrafiya üsulu ilə analiz aktual elmi-praktik əhəmiyyət daşıyır. İşin məqsədi: "Eutiroks” tabletlərində levotiroksinin yüksək effektli maye xromato¬qra¬fi¬ya-kütlə spektrometriya/kütlə spektrometriyas üsulu ilə analizidir. Material və metodlar: Eksperimental tədqiqatlar “Eutiroks” preparatında levotiroksinin miqdarı təyini üçün YEMX-KS/KS Agilent-12620 İnfinity (ABŞ) xromatoqrafında aparılmışdır. Tədqiqat obyekti olaraq “Eutiroks” tabletlərindən istifadə edilmişdir. Nəticələr: “Eutiroks” preparatında levotiroksinin analizi məqsədilə təkmilləşdirilmiş YEMX-KS/KS üsulu işlənilib hazırlanmışdır. Hərəkətsiz faza “Zorbax SB-C18” (4.6 x 100 mm) borusu, hissəciklərin ölçüsü 3.5 mkm. Borunun temperaturu 400C, həlledicinin verilmə sürəti 0.8 ml/dəq., inyeksiya həcmi 100 mkl-dir. Xromatoqrammanın çəkilmə müddəti 6 dəqiqədir. Yekun: Tərkibində xolekalsiferol olan “Eutiroks” preparatının YEMX-MS/MS üsulu ilə eynilik və miqdarı təyini aparılmışdır. “Eutiroks” preparatının miqdarı təyini üçün optimal xromatoqrafik şərait işlənilib hazırlanmış və təkmilləşdirilmiş YEMX-MS/MS üsulu təklif edilmişdir. Preparatda levotiroksinin miqdarı 101.7% (NS: 90-110%) olmuşdur. Təklif edilən üsul preparatın keyfiyyətinə nəzarəti həyata keçirməyə imkan verir.