INGLIZ VA OʻZBEK NASRIDA AYOL OBRAZINING BADIIY TASVIRI

Hozirgi globallashuv jarayonida xalqimizning maʼnaviy, siyosiy va diniy savodxonligini yuksaltirish zamonamizning eng muhim talabi boʻlib, bu borada ayollar masalasi alohida ahamiyat kasb etadi. Maqolada ingliz va oʻzbek nasrida ayollar obrazining xususiyatlari koʻrib chiqiladi. Har bir xalq milliy qarashlaridan kelib chiqqan holda oʻz adabiyotida ayol obrazini turlicha tasvirlaydi. Ozbek nasrida ayol timsoli ona, rafiqa, uy bekasi sifatida tasvirlansa, ingliz adabiyotida esa bularga qoʻshimcha sifatida ayol ishbilarmon tadbirkor, ishchi xodim kabi vazifalarni ham bajaradi. Ingliz adabiyotida ham ayol obrazi davrlar davomida tadrijiy oʻzgarib borgan. XIX asr ingliz nasrida ayol obrazi erkak yozuvchilar tomonidan toʻlaqonli ideallashtirilgan holda yaratilgan. Shuningdek, maqolamizda ayol va jamiyat munosabatlari ham turli jihatdan oʻrganiladi. Adabiyotlarni tahlil qilar ekanmiz biz ayol obrazini yaratishda asosan ayol va jamiyat oʻrtasidagi munosabatdan, ayolning jamiyat qatlamlarida qanday tan olinishi va uning jamiyatda, oilada oʻrnini tahlil qilgan holda ayolning nasrda tasvirlanishiga baho berish mumkin. Har bir milliy adabiyotda ayol obraziga keladigan boʻlsak, u oʻsha xalqning tabiatiga, zamon ruhiga mos tarzda aks etadi, idrok qilinadi. Binobarin, bir xil sharoitda harakat qiladigan personajlar har bir adabiyotda turlicha gavdalanadi.