QEYRİ-NEFT SƏNAYE MÜƏSSİSƏLƏRİNİN İSTEHSAL MENECMENTİNDƏ STRATEJİ PLANLAŞDIRMANIN TƏKMİLLƏŞDİRİLMƏSİ YOLLARI

Məqalədə istehsalda strateji planlaşdırmanın məqsədi, əsas komponentləri, habelə bu istiqamətin təşkilatda aktuallığı təqdim olunur. Bundan əlavə, burada strateji planlaşdırmanın tətbiqinin əsas yolları və onların təkmilləşdirilməsi üsulları formalaşdırılıb. Strateji planlaşdırma müəssisənin fəaliyyətində resursların daha məqsədyönlü və qarşılıqlı əlaqədə idarə olunmasına, təşkilatın məqsədlərinə çatmaqda maddi və maliyyə itkilərinin azaldılmasına imkan verən ən mühüm komponentdir. Planlaşdırma sisteminin formalaşdırılması, yəni tətbiq olunan planlaşdırma növlərinin optimal toplusunun müəyyən edilməsi vəzifəsi istehsalın miqyasından, sahəyə mənsubiyyətindən və mülkiyyət formasından asılı olmayaraq istənilən müəssisənin qarşısında durur. Bu, məhsulun dəyər zəncirinin mürəkkəb olduğu və istehlakçılar üçün dəyər və müəssisə üçün əlavə dəyər yaratmaq üçün effektiv idarəetmə tələb edən satınalma, istehsal, tədarük və paylama mərhələlərini əhatə etdiyi istehsal sənayesində xüsusilə vacibdir. Məqalədə müasir müəssisələrdə planlaşdırma sisteminin formalaşdırılması sahəsində nəzəri və metodoloji problemlərin həllinin vacibliyi göstərilir ki, bu da ondan bazarın rəqabət qabiliyyətini artırmaq üçün bir vasitə kimi istifadə etməyə imkan verəcəkdir. Aparılan tətqiqat sahəsində əsas məqsəd isə, istehsal sistemində müəssisənin strateji planlaşdırması və idarəetmə sisteminin formalaşdırılması üçün nəzəri yanaşmaları öyrənmək və praktiki tövsiyələr hazırlamaqdır. Burada, həmçinin əsas idarəetmə funksiyaları da təhlil edilmişdir. Müəssisənin fəaliyyətinin hərtərəfli qiymətləndirilməsi, daxili potensialın təhlilinin nəticələrinə əsasən, istehsalın, işlərin və xidmətlərin həcminin artırılması istiqamətində müəssisənin əhəmiyyətli imkanları haqqında nəticələr çıxarılmışdır. Onlar isə öz növbəsində əlverişli və optimal xarici şəraitdə həyata keçirilməlidirlər. Açar sözlər: strateji planlaşdırma, strateji idarəetmə, uzunmüddətli məqsədlər, uzunmüddətli vəzifələr, missiya, strategiya, strateji piramida, risk, qeyri-müəyyənlik.