NEFT EMULSİYALARININ YIĞIM VƏ NƏQLİ ZAMANI SUALTI BORU KƏMƏRLƏRİNİN HİDRAVLİK HESABLANMASI

Hesabi yüklər, təsirlər və onların nəzərə alınmasını SNiP 2.01.07-85-in tələblərinə uyğun qəbul etmək lazımdır. Boru kəmərləri hidravlik hesablanarkən, onların sınaqdan keçirilmə və istismarı dövrlərində qarşılıqlı əlaqədə olduqları qurğuların təsirləri nəzərə alınmalıdır. İşçi normativ təzyiqi ən böyük izafi təzyiqdir ki, bu da boru kəmərlərinin istismar dövrü onların lazımi iş rejimini təmin edir. Neft və neft məhsulları nəql edən boru kəmərləri üçün işçi təzyiqin tapılmasında, nəql olunan neft məhsulunun teхnoloji sхemi nəzərə alınmalıdır. Bu halda qəbul olunan işçi təzyiq, boru kəmərinin baхılan hissəsində maksimal hesabi temperaturda nəql olunan neft məhsulunun yaranmış buхarının elastikliyindən az olmalıdır. İstismar quyuları və yığım sisteminin boru kəmərlərində su-neft emulsiyalarının yaranmasının hidravlik müqavimətə güclü təsir etdiyi, daha doğrusu artırdığı üçün su-neft-qaz çoxkomponentli qarışıqların hidrodinamik və fiziki-kimyəvi xüsusiyyətlərinin öyrənilməsi çox vacibdir. Quyu məhsulunun sulaşması amilinin «quyu-yığım» sistemində hidravlik müqaviməti xeyli artırması, lakin bu problemin demək olar ki, öyrənilməməsi, konkret təkliflərin indiyədək verilməməsi məsələnin ciddiliyi və praktiki əhəmiyyətindən xəbər verir. Qeyd olunanları nəzərə alaraq ilkin yaxınlaşmada üçfazalı su-neft-qaz sisteminə ikifazalı emulsiya-qaz sistemi kimi baxılması və bu zaman maye fazaya – emulsiyaya (neft+su) xüsusi xassəyə malik faza kimi baxılmasının məqsədəuyğunluğu araşdırılmışdır. Açar sözlər: sualtı boru kəmərləri, neft emulsiyası, proqram təminatı, optimal iş rejimi