ئایرۆنی لە ڕەخنەی کۆن و نوێدا

ئەم توێژینەوەیە، کە لەژێر ناونیشانی(ئایرۆنی لە ڕەخنەی کۆن و نوێدا)دایە، پێکهاتووە لەپێشەکی و تەوەرەیەک، کە دووباس لە خۆدەگرێت، باسی یەکەم ئایرۆنی لەڕەخنەی کۆندا و باسی دووەم ئایرۆنی لەڕەخنەی نوێدا، دواتر ئەنجامەکان لە چەند خاڵێکدا خراونەتە ڕوو، سەرچاوەکانیش بەشێوەیەکی ورد و زانستییانە ڕیزکراون، لەکۆتاییدا پوختەی توێژینەوەکە بۆ زمانی عەرەبی و ئینگلیزی وەرگێڕدراون. لەم توێژینەوەیەدا بەشێوەیەکی ڕیزبەندی و پلەبەندی باس لە مێژوو و سەرهەڵدانی ئایرۆنی لە ڕەخنەی کۆن و نوێدا کراوە و بەپێویست زانرا سەرەتاکانی پەیدابوون و پەرەسەندنی ئایرۆنی لە قۆناغەکانی مێژوودا باس بکرێت، هەروەها دەستنیشانکردنی پێگە و ڕۆڵی ئەم هونەرە لەناو ڕەخنەی ئەدەبییدا.