ადამიანური რესურსების განვითარების ციფრული პლატფორმები საქართველოში

ანა ჩაგელიშვილი ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი ელ-ფოსტა: chagelishviliana@yahoo.com https://orcid.org/0000-0003-3683-3533 მოკლე აღწერა აბსტრაქტი. დისტანციური თუ ონლაინ კურსების მოხ¬მარება სულ უფრო და უფრო იზრდება, რისთვისაც აქტიურად გამოიყენება სხვადასხვა მსხვილი, დამოუკიდებელი ციფრული პლატფორმები მრავალფეროვანი სასწავლო თემატიკით. აღნიშნულ ვებგვერდებს მომხმარებლები მთელი მსოფლიოდან მიმართავენ, რითაც ხდება კონკურენციის გაწევა ეროვნულ და ადგილობრივ ანალოგებთან.კვლევის მიზანია დისტანციური და ელექტრონული სწავლების ქართული პლატფორმების შესწავლა და ამ მიმართულებით საქართველოში არსებული მდგომარეობის ანალიზი. ნაშრომი იკვლევს ბიზნეს სექტორში დასაქმებულთა განვითარების ციფრული ტრანსფორმაციის მიმართულებას და საკვლევი საკითხის მასშტაბურობისა თუ სპეციფიკურობიდან გამომდინარე არ ეხება განათლების რომელიმე საფეხურზე მიმდინარე მოვლენებსა და საჯარო სექტორში დასაქმებულთა განვითარებას.კვლევის მიზნის მისაღწევად გამოყენებულია სამაგიდე კვლევა, რომელიც ეფუძნება ციფრული პლატფორმებისა თუ ინსტრუმენტების და ამ საკითხზე არსებული ქართული თუ უცხოური პუბლიკაციების მიმოხილვას.სტატიაში განხილულია ციფრული კომპეტენტურობის მნიშვნელობა და სწავლების პროცესში გამოყენებადი ციფრული საკომუნიკაციო საშუალებები; გამიჯნულია დისტანციური, ელექტრონული და ონლაინ სწავლების საერთო თუ განმასხვავებელი ნიშნები; განხილულია ქართული ციფრული სწავლების პლატფორმები და გაანალიზებულია მათი მდგომარეობა, რის შესახებაც გამოთქმულია ავტორისეული ვარაუდები და რეკომენდაციები.