Gidrofob Modifikatorlarning Sement Qorishmalari Xususiyatlariga Ta’sirini Tadqiq Etish

Ushbu maqolada sement-qum qorishmalarining strukturavyi va ekspluatatsion xususiyatlariga rux stearati va poligidrosiloksan 136-41 gidrofob modifikatorlarining ta’siri qiyosiy oʻrganilgan. Tajribalar «Ohangaronsement» AJ sementi va Chinoz koni qumi asosida, suv-sement (Suv/Sem) nisbatining 0,4 dan 0,7 gacha boʻlgan oraliqlarida oʻtkazilgan. Rux stearati (sement massasidan 1%) barcha sinov muddatlarida sement toshining siqilishga mustahkamligini pasaytirmasdan, aksincha, nazorat namunalariga nisbatan 13,3–60,7% gacha oshirishi aniqlandi. Suv yutishni kamaytirish samaradorligi koʻrsatkichi (Pw) boʻyicha rux stearati boshlangʻich davrda kapillyar soʻrilishni 2,51–3,03 martagacha kamaytirib, an’anaviy poligidrosiloksanga qaraganda ikki baravar yuqori natija koʻrsatdi. Olingan natijalar Oʻzbekistonning keskin kontinental iqlimi sharoitida suvoq qoplamalarining uzoqqa chidamliligini ta’minlashda rux stearatidan foydalanish yuqori samara berishini isbotlaydi.