QUYULARIN SEMENTLƏNMƏSİ PROSESİNDƏ HƏYAT FƏALİYYƏTİ TƏHLÜKƏSİZLİYİNİN TƏMİN EDİLMƏSİ

Neft və qaz quyularının qazılıb istimara hazır olması qoruyucu kəmərlərin keyfiyyətli sementlənməsindən çox asılıdır. Sementləmənin qıza müddətdə yerinə yetirilməsinə baxmayaraq, bu prosesin diqqətli və keyfiyyətli aparılması quyunun gələcək fəaliyyətinin də təhlükəsizliyi üçün əsas şərtlərdəndir. Keyfiyyətsiz sementləmə quyuların istismar müddətində onların keyfiyyətini və etibarlılığını azaldır və təhlükəli iş şəraitinə zəmin yaradır. Nəticə etibarilə qarşıya çıxan problemlər əlavə xərclərə səbəb olur, bəzi hallarda isə quyunun ləğvinə gətirib çıxarır. Quyuların sementlənməsinin əsas məqsədlərindən biri sementin qalxma hündürlüyü intervalında həlqəvi fəzada kipliyin təmin olunmasıdır. Bu keyfiyyətli sement daşının əmələ gəıməsini və onun qoruyucu kəmərlə sıx təmasda olmasını göstərir. Quyuların möhkəmləndirilməsində qoruyucu kəmərlərin lazımi dərinliyə sərbəst endirilməsi, həlqəvi fəzanın keyfiyyətli sement məhlulu ilə doldurulması və yaranan sement daşı həlqəsinin onu əhatə edən səthlərlə etibarlı təmasda olması əsas məsələlərdəndir. Eyni zamanda. Sementləmə prosesində kəmər arxasından qazıma məhlulunun hərtərəfli sıxışdırılıb çıxarılması və buna nail olmaq üçün quyuda qoruyucu kəmərin düzgün yerləşdirilməsi təmin edilməlidir. Bununla da sonradan qarşıya çıxa biləcək təhlükələrin və əlavə xərclərin qarşısını almaq mümkün olar. Açar sözlər: sementləmə, qoruyucu kəmər, həlqəvi fəza, sement daşı.