HƏNDBOL ÜZRƏ İLKİN HAZIRLIQ VƏ TƏLİM-MƏŞQ QRUPLARINDA TEXNİKİ HAZIRLIĞIN İNKİŞAFININ TƏDQİQİ

Müasir həndbolun inkişaf səviyyəsi, onun rəqabət qüvvəsi peşəkar həndbolçuların ehtiyat qüvvəsinin hazırlanmasının metodikasının və problemlərinin həll edilməsi ilə müəyyən edilir. Bunu həyata keçirmək üçün isə ilk növbədə uşaq və gənclərlə aparılan tədris-məşq prosesinin yenidən qurulmasının əsas vəzifəsi müasir tələblərə cavab verəcək, onların hərtərəfli hazırığını təmin edəcək məzmunda təşkil edilməsidir. Uşaq-gənclər həndbolunun inkişafı istiqaməti, onun məzmunu və vəzifələri fiziki tərbiyənin əsas məqsədini həyata keçirməkdən ibarətdir. Hazırda həndbolla məşğul olan uşaq və gənclərin sayı ildən-ilə artır. Çünki ümumtəhsil məktəblərində UGİM-də, İOEUGİM-də və eləcədə peşəkar həndbol klublarının sayı günü-gündən artır. Beynəlxalq həndbol təşkilatları BHF, AHF və BOK-bu gənclərin peşəkar həndbolçu kimi yetişməsinə şərait yaradırlar. Bu şəraitdən yararlanmaq üçün isə bu qruplara elmi-metodiki əsaslarla seçilən və fərdi imkanları ilə daha çox seçilən uşaqları, gəncləri cəlb etmək məqsədəuyğundur.