Güləş məşğələlərində alınan zədələnmələrin idmançıların dərəcəsindən asılılığının xüsusiyyətləri

Məqalədə güləşmə üzrə məşğələ zamanı idmançıların ixtisaslaşmasından aslı olaraq, idman zədələnmələrinin xüsusiyyətlərinin tədqiqi nəzərdən keçirilir. Sağlamlıq problemi yeniyetmə idmançılar üçün xüsusi əhəmiyyət kəsb edir. İdman ustalığının yüksəlişi yolunda orqanizmə çox böyük tələblər verən, həcm və intensivliyinə görə əhəmiyyətli dərəcədə olan məşq yüklərini dəf etmək, böyük iradə göstərmək vacibdir. Buna görə də azacıq dərəcədə təlim-məşq prosesinin pozulması  zədələnmələrə və xəstəliklərə bir sıra hallarda isə ağır zədələrə gətirib çıxarır. Bədən Tərbiyəsi və idmanın gələcəkdə daha da inkişaf etdirilməsinin daha aktual və vacib vəzifələri fiziki hərəkətlərlə məşğələlər zamanı travmatizmin, risk amillərinin azaldılmasıdır. Bununla əlaqədar olaraq müəlliflər məqalədə göstərilən problemin həlli üzrə tədqiqat aparmışlar.