MOTOR YAĞLARINA SULFONAT AŞQARLARI

Sulfonat aşqarlarının tәsir effektini artırmaq mәqsәdi ilә onların M-8 neft yağı vә alkil (C20-C30) toluol qarışığı әsasında alınmasının mümkünlüyü öyrәnilmişdir. Göstәrilmişdir ki, qarışıq xammalın sulfolaşması prosesindә sulfoturşuların çıxımı 89-95%, turş qudronun miqdarı isә sulfolaşmış neft yağlarına nisbәtәn 40-45% aşağıdır. Neytral sulfonatın göstәricilәrinә ilkin xammal qarışığında ingrediyentlәrin nisbәtinin tәsiri öyrәnilmiş vә tәlәb olunan aşqarın alınması üçün şәrait müәyyәn edilmişdir. Laboratoriya sınaqların nәticәlәri göstәrmişdir ki, neytral, orta – vә yüksәk qәlәvili yarımsintetik kalsium sulfonatları yüksәk fiziki-kimyәvi, funksional xassәlәrә malikdir vә müasir tәlәblәrә cavab verirlәr. Neytral sulfonat çıxıma, aktiv maddәnin miqdarına, dispersedici xassәlәrә görә neft mәnşәli NSK sulfonatından vә OLOA 246B aşqarından üstündür. Orta vә yüksәk qәlәvili aşqarlar fiziki-kimyәvi vә yuyucu xassәlәrinә görә neft mәnşәli C-150, C-300 әmtәә sulfonatlarla vә Xaytek 6060M aşqarla eyni sәviyyәdә olduğu halda, dispersedici, korroziyaya, oksidlәşmәyә qarşı stabilliyә görә analoqlardan üstündürlәr. Alınmış yüksәk qәlәvili aşqarın iştirakı ilә keyfiyyәt göstәricilәrinә görә irәli sürülәn tәlәblәrә cavab verәn M-10Г2 tipli tәcrübi motor yağı işlәnilmişdir. Yarım- sintetik sulfonatların yüksәk effektliyi onların müasir motor yağlarında yuyucu- dispersedici komponent kimi istifadә etmәyә imkan verir.