Практикум по семејна медицина

Овој практикум со наслов „Семејна медицина“ е наменет за студентите на студиската програма по Општа медицина, медицински сестри и физиотерапевти на Високата медицинска школа што го слушаат предметот на Факултетот за медицински науки на Универзитетот „Гоце Делчев“ во Штип. Текстот е претставен во согласност со наставниот план и програма по Семејна медицина, а подготвен со цел да им помогне на студентите во совладувањето на клинички вештини кои ќе им бидат неопходно потребни во секојдневната пракса а во исто време ќе им помогнат во учењето на едноставен и интересен начин. Содржината на овој практикум е поделена на 22 вежби на различни клинички вештини кои се користат во секојдневната пракса во семејната медицина и се презентирани како OSCE станици (Objective structured clinical examination) или ОСКИ (Објективни структурирани клинички испитувања).