საზღვაო სატრანსპორტო კლასტერების ფორმირების შესაძლებლობები და მისი როლი ეკონომიკის განვითარებაში

თამთა ვარშანიძე ბიზნესის ადმინისტრირების დოქტორი ბათუმის შოთა რუსთაველის სახელმწიფო უნივერსიტეტი საქართველო, ბათუმი E-mail: tamta.varshanidze@bsu.edu.ge http://orcid.org/0000-0002-0275-9913   სალომე ჯაფარიძე ბათუმის შოთა რუსთაველის სახელმწიფო უნივერსიტეტი ბიზნესის ადმინისტრირების სადოქტორო პროგრამის დოქტორანტი საქართველო, ბათუმი E-mail: salokoj@gmail.com http://orcid.org/0000-0001-9367-3252   ლაშა მანველიძე ბათუმის შოთა რუსთაველის სახელმწიფო უნივერსიტეტი ბიზნესის ადმინისტრირების სადოქტორო პროგრამის დოქტორანტი საქართველო, ბათუმი E-mail: lashamanvelidze@gmail.com http://orcid.org/0000-0001-5631-3127   მოკლე აღწერა მსოფლიოში გამძაფრებული ეკონომიკური და საერთაშორისო ურთიერთობების ანალიზი ცხადყოფს, რომ ნებისმიერი სახელმწიფო სხვადასხვა მეთოდით ცდილობს შექმნას ზღვაზე გასვლის ოპტიმალური გეოგრაფიული და პოლიტიკური გარემო. ანალოგიური მიდგომის ძირითადი არსი იმაშია, რომ ზღვისპირა რეგიონები წარმოადგენენ განსაკუთრებულ სატრანსპორტო პოლიგონს მსოფლიო სასაქონლო ბაზარებზე რაციონალური წვდომისათვის, რაც თავისთავად ქვეყნის ეკონომიკურ სიძლიერეზე,  კეთილდღეობასა და მოსახლეობის ცხოვრების დონის გაუმჯობესებაზე აისახება. მნიშვნელოვანია საქართველოს ზღვისპირა რეგიონების, კერძოდ კი აჭარის რეგიონის საზღვაო-სატრანსპორტო სისტემის პოტენციალის შეფასება და რეგიონში კლასტერული ფორმირებების შექმნის, მისი განვითარების შესაძლებლობების და პერსპექტივების განსაზღვრა, კლასტერული ფორმირებების ევროპული გამოცდილების შესწავლა და შესაძლო პარალელების გავლება.   მნიშვნელოვანია საზღვაო კლასტერების ფორმირების ევროპული მოდელის მორგების შესაძლებლობების განხილვა საქართველოს, კერძოდ კი აჭარის რეგიონზე.   აჭარის რეგიონში საზღვაო კლასტერის შექმნისათვის არსებობს  როგორიცაა: მძლავრი არაერთი საფუძველი, მათ შორის ისეთი მნიშვნელოვანი  როგორიცაა: ხელსაყრელი გეოპოლიტიკური მდებარეობა, მძლავრი პორტი და გამართული სატრანსპორტო ინფრასტრუქტურა, მიმზიდველი საინვესტიციო გარემო, ტურიზმის სხვდასხვა მიმართულებების განვითარება, მძლავრი სასაწყობო მეურნეობა, რაც საბოლოო ჯამში ქმნის საზღვაო კლასტერების შექმნის საუკეთესო წინაპირობას. გარემოება მოწმობს, რომ კლასტერებს შეუძლიათ ზემოქმედება მოახდინონ მთავრობის ორგანოების შეხედულებებზე ტერიტორიის ეფექტური მართვის კუთხით, გამოავლინონ ახალი ინვესტიციების მოზიდვის შესაძლებლობები, დააჩქარონ როგორც ცალკეული ტერიტორიის, ისე მთლიანად სახელმწიფოს ეკონომიკური განვითარება.