Afonso X e Galicia: e unha escolma de cantigas

Achegarse á figura e aos feitos de Afonso X é atopar un dos máis ferintes paradoxos da vida histórica de Galicia, onde tantos se teñen dado. Foi, sen dúbida, o meirande “clásico” da nosa lingua. O seu rol nas letras galegas do medievo pode ter comparanza co que ten o Dante nas da Toscana; non é doado atoparlle parella de obra persoal e de corte nas outras literaturas da Romania. E, non obstante, o home que fixou e ergueu tan outo a fala literaria, foi un rei alleo cando non adverso á nosa Terra.