Escolma de prosa galega

Para esta antoloxía seleccionamos dez textos. O primeiro é unha advertencia ao lector, na que o autor xustifica a ortografía que emprega, e trata outros puntos de interese verbo da lingua galega. A continuación publicamos tres capítulos de cada unha das tres noveliñas de López Ferreiro: o primeiro e o derradeiro, escollidos para que o lector coñeza como o autor enceta e como desenlaza as súas historias, e un capítulo do interior da obra, escollido polo seu substantivo interese: unha leira de xente miúda na cociña, e desempeño dunha espiñosísima xestión diplomática, unha descrición dos problemas dun noivado de artesáns.