Politika euro- mesdhetare ndaj migracionit

Pas përfundimit të bipolarizimit dhe me hapjen e kufijve, gjithnjë e më shumë persona migruan nga Lindja në Perëndim. Arsyet janë në shumicën e rasteve të diktuara nga arsyet ekonomike, demografike, politike dhe të tjera. Por mbi të gjitha, hapja e kufijve bën që Europa të bëhet më e vetëdijshme për dy modelet demografike që paraqiten në të dy anët e Mesdheut. Vende europiane që tradicionalisht kanë qenë të njohura si vende të emigracionit, në një kohë të shkurtër u shndërruan në vende imigrimi, kjo mbi të gjitha për pozicionin e tyre gjeografik. Ky fenomen çoi kështu në shfaqjen e një ndjenje të përgjithshme të frikës, kërcënimit dhe pakënaqësisë. Reagimi i BE-së, i pasuar nga marrëveshjet e bashkëpunimit për të luftuar fenomenin e emigracionit të paligjshëm, politikat dhe orientimet strategjike ndaj migracionit, do të jenë objekt i këtij punimi.