Vlerësimi në arsim

Vlerësimi ka shumë pamje e kuptime dhe njerëz të ndryshëm nënkuptojnë shpesh deri edhe gjëra të ndryshme kur përdorin fjalën vlerësim. Disa e perceptojnë atë si gjykim të cilësisë. Të tjerë e perceptojnë atë si një mënyrë sistematike të shikimit të çështjeve të rëndësishme. Disa të tjerë e perceptojnë atë si një veprimtari të përditshme që ne e kryejmë sa herë marrim vendime. Në arsim ai shpesh lidhet me testimin dhe ngushtohet duke u kufi zuar në arritjet e nxënësit. Në qeveri ai mund të perceptohet si rivlerësim i politikave të rëndësishme ose i ecurive të veprimit. Ndonjëherë vlerësimi shikohet si mjet konstruktiv për përmirësim dhe risi. Tjetër herë ai shihet si një veprimtari shkatërruese, e cila kërcënon spontanitetin dhe paralizon krijimtarinë. Nuk përjashtohen edhe rastet kur ndeshesh me administratorë që e konceptojnë vlerësimin si një mënyrë për t’i bërë gjërat të duken mirë e bukur edhe atëherë kur nuk janë ashtu. Edhe në literaturën teorike për vlerësimin ndeshen perceptime të shumta për të. Siç do ta shohim më pas në këtë studim, vlerësimi here shikohet si parametër i paracaktuar i arritjes së qëllimit, si vlerësim i meritave e herë si proces që siguron informacion për vendimmarrësit. Ndonjëherë ai përdoret si sinonim për matjen ose si një lloj kërkimi. Në disa raste, ky koncept është përdorur me kuptimin e përmirësimit disa herë për përgjegjësinë ose për ushtrimin e autoritetit